Cana bienzinu i dyzpaliva ŭzraście ŭ siarednim na 5%.
Jak paviedamiła krynica ŭ kancernie «Biełnaftachim», košt bienzinu Ai-92 składzie 4.820 rubloŭ (ciapier 4.590; rost na 5,01%), Ai-95 — 5.200 (4.950; 5,05%), dyzielnaha paliva — 5.100 (4.860; 4,93%). Pakul u kancernie aficyjna infarmacyju nie kamientujuć.
Takim čynam, budučaje padvyšeńnie cen na hetyja naftapradukty stanie vośmym ŭ hetym hodzie. Apošni raz bienzin i dyzpaliva daraželi 14 vieraśnia ŭ siarednim na 3% «ŭ metach paetapnaha raŭnavańnia koštaŭ na tavary ŭ krainach Mytnaha sajuza».
Dyrektar infarmacyjna-aśvietnickaj ustanovy «Za Aŭto» Arciom Šarkoŭ vykazaŭ zdahadku, što «kancern choča chutčej nablizić košt litra paliva da adnaho dalara pa aficyjnym kursie, choča paśpieć zrabić heta da kanca hoda».
Lider aŭtamabilnaha supolnaści vykazaŭ sumnieŭ, što čarhovy rost koštaŭ na paliva vykliča pratestnuju reakcyju z boku aŭtamabilistaŭ. «Tak, mahčyma, kala paŭsotni aŭtamabilistaŭ i zachoča vyjechać, kab vykazać svaju pazicyju. Ale ja sumniavajusia, što heta budzie supravadžacca prypynkam abo błakavańniem praśpiektaŭ», — zajaviŭ Šarkoŭ.
