Čarhovaja akcyja «Stop-bienzin» maje adbycca siońnia ŭ Minsku. Paśla piatničnaha padaražeńnia paliva, košt salarki dasiahnuŭ ŭzroŭniu 7 červienia — 5100 rubloŭ za litr. Tady sotni aŭtamabilistaŭ praviali ŭdałuju akcyju pratestu, pierakryŭšy praśpiekt Niezaležnaści. Arhanizatary zajavili, što ŭ pratestach pryniali ŭdzieł bolš za 1600 aŭtamabilistaŭ. Na nastupny dzień Alaksandr Łukašenka zahadaŭ adkrucić ceny nazad.
Arhanizatary nie admaŭlajucca ad stratehii, jakaja vykarystoŭvałasia padčas papiarednich pratestnych vystupleńniaŭ.
Z 19.00 da 19.30 jany prapanujuć aŭtamabilistam pryjechać na centralnyja praśpiekty, Niezaležnaści i Pieramožcaŭ, i źnizić chutkaść da 20–30 km/h.
Tym samym ruch na abodvuch praśpiektach budzie faktyčna paralizavany.
«U vypadku, kali hałoŭnyja vulicy buduć pierakrytyja supracoŭnikami DAI, płanujecca ažyćciavić „błakiroŭku“ prylehłych vulic i tym samym paralizavać z dapamohaj DAI uvieś horad, a nie adnu hałoŭnuju vulicu», — paviedamlajecca ŭ raspaŭsiudžanaj zajavie.
