U Biełarusi nieabchodna pierabudavać taryfnuju palityku dla realnaha siektara i ŭvodzić prahresiŭnyja ŭdzielnyja normy enierhaspažyvańnia. Pra heta zajaviŭ 11 kastryčnika na pasiadžeńni Savieta ministraŭ prem'
«Nie dla ŭsich pahałoŭna, a na adzinku vyrablenaj pradukcyi», — skazaŭ premjer.
Jon nahadaŭ, što ŭ apošnija hady cana na haz vyrasła ŭ šeść razoŭ. Tym časam, pavodle słoŭ Miaśnikoviča, «raschlabanaść (u častcy enierhazabieśpiačeńnia) jak była, tak i zastałasia». «Enierhazatratny miechanizm jak pracavaŭ, tak i praciahvaje pracavać i ŭ budaŭnictvie, i ŭ inšych siektarach», — dadaŭ jon. Razam z tym premjer padkreśliŭ, što heta ŭpłyvaje na kankurentazdolnaść biełaruskaj pradukcyi. Pavodle jaho słoŭ, realna zatraty na enierharesursy vyraśli ŭ razy, a tym časam pradpryjemstvy nie atrymali značnaha skaračeńnia enierhaspažyvańnia. Kiraŭnik urada nahadaŭ, što enierharesursy składajuć 50% pramiežkavaha impartu. U ahulnaj struktury impartu pramiežkavy impart zajmaje try čverci.
Miž tym, Miaśnikovič adznačyŭ, što ŭrad nie źjaŭlajecca prychilnikam «pahałoŭnaha zamiaščeńnia» pramiežkavaha impartu, bo heta moža pryvieści da paharšeńnia jakaści biełaruskaj pradukcyi.
«I tady my možam stracić tyja rynki, jakija z takoj ciažkaściu utrymlivajem», — skazaŭ jon.
Taksama premjer źviarnuŭ uvahu na inviestycyjnuju palityku pradpryjemstvaŭ. Pavodle jaho słoŭ, jany pavinny imknucca inviestavać u mašyny i abstalavańnie i pry hetym u suviazi ź niedachopam ułasnych inviestycyj aktyŭna pryciahvać pramyja zamiežnyja inviestycyi i kredytnyja linii.
Premjer zakranuŭ i pytańnie impartazamiaščeńnia spažyvieckich tavaraŭ. U struktury impartu dola spažyvieckaha impartu składaje 17%. I mnohija śpiecyjalisty, pavodle słoŭ Miaśnikoviča, zajaŭlajuć, što asobnyja vidy pradukcyi zaŭsiody buduć impartnymi: kava, harbata i h.d. Tym nie mienš, kiraŭnik urada pierakanany, što i tut Biełaruś mahła b vyrablać impartazamiaščalnuju pradukcyju. Kali b my vyrabili choć pałovu tavaraŭ bytavoj chimii, pradukcyi lehprama, budmateryjałaŭ, jakija ciapier impartujucca, my mieli b dadatkova 500 młn. dołaraŭ. Miaśnikovič padkreśliŭ, što Biełaruś maje nieabchodnuju syravinnuju bazu dla impartazamiaščeńnia spažyvieckich tavaraŭ.
Taksama premjer adznačyŭ nieabchodnaść raźvićcia śfiery pasłuh. Pry hetym jon pryvioŭ u prykład Park vysokich technałohij, jaki płanuje sioleta vyjści pa pasłuhach na stanoŭčaje salda ŭ 250 młn. dołaraŭ.
Tym časam, kažučy ŭ cełym pra palityku impartazamiaščeńnia, Miaśnikovič padkreśliŭ, što heta nielha rabić u adryvie ad stabilizacyi valutnaha rynku.
