Nacyjanalny muziej narodnaha mastactva źjavicca ŭ Biełarusi 1

u jakim buduć pradstaŭleny ekspanaty ŭsich vidaŭ i žanraŭ biełaruskich ramiostvaŭ. Ab hetymna pres-kanfierencyi paviedamiŭ namieśnik ministra kultury Biełarusi Tadevuš Stružecki.

«U Biełarusi jość usie padstavy dla adkryćcia takoha muzieja. Dastatkova i tvoraŭ narodnaha mastactva, i nośbitaŭ ramiesnych tradycyj», — dadaŭ Tadevuš Stružecki.

Nacyjanalny muziej narodnaha mastactva ŭvojdzie ŭ kompleks budynkaŭ, jakija ŭ vyniku pavinny transfarmavacca ŭ pieršy ŭ Biełarusi muziejny kvartał nakštałt maskoŭskaha, amsterdamskaha i vienskaha. Ministerstva kultury Biełarusi płanuje pabudavać jaho ŭ Minsku za 2011–2017 hady.

Kvartał budzie stvorany na bazie Nacyjanalnaha mastackaha muzieja pa pierymietry vulic Kirava, Lenina i Marksa.

Kancepcyju prajekta adobryła kiraŭnictva krainy.

Śpiecyjalizavanych muziejaŭ narodnaha mastactva ŭ Biełarusi naličvajecca kala dziesiaci, u tym liku Muziej staradaŭnich narodnych promysłaŭ i technałohij «Dudutki». Akramia taho, raździeły narodnaha mastactva jość va ŭsich rajonnych, abłasnych krajaznaŭčych, Nacyjanalnym histaryčnym i Nacyjanalnym mastackim muziejach.

Harbarstva, hančarnaje, bandarnaje, łubianoje, tkackaje, kavalskaje, valušnaje ramiostvy zpradvieku praćvitajuć u Biełarusi. Dla taho, kab jany nie źnikli, pracujuć škoły ramiostvaŭ, u jakich dziaciej navučajuć majstry-ramieśniki. Tolki ŭ Bresckaj vobłaści bolš za 30 takich škoł. Na bazie škoły hančarstva ŭ vioscy Haradnaja Stolinskaha rajona ŭ 2012 hodzie budzie praviedzieny Mižnarodny plener hančaroŭ.

Jak adznačyŭ staršynia Biełaruskaha sajuza majstroŭ narodnaj tvorčaści Jaŭhien Sachuta, papularny siońnia ahraturyzm nieabchodna nakiroŭvać u rečyšča supracoŭnictva ź miascovymi ramieśnikami, jakoje abaviazkova budzie ŭzajemavyhadnym.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH