Pradstaŭnictva Jeŭrapiejskaha sajuza zaklikała Biełaruś nie prymać šerah «represiŭnych prajektaŭ zakanadaŭstva» i spryjać dziejnaści arhanizacyj hramadzianskaj supolnaści i palityčnych partyj. Z takoj zajavaj jano vystupiła sa zhody kiraŭnikoŭ misij krain ES u Minsku, paviedamili BiełaPAN u
Pradstaŭnictva ES «z zaniepakojenaściu pryniało da ŭvahi razhlad, što praciahvajecca, niekatorych zakanadaŭčych aktaŭ, čyjo pryniaćcie žorstka abmiežavała b svabody i pravy hramadzian Biełarusi i ŭjaŭlała b saboj krok nazad z punkta hledžańnia zachavańnia Biełaruśsiu pravoŭ čałavieka i viaršenstva prava», adznačajecca ŭ zajavie.
Vykazana taksama zaniepakojenaść tym, što «pryniaćcie prajekta zakona, jaki ŭnios by papraŭki ŭ zakon ab hramadskich abjadnańniach dy inšyja zakony, što rehulujuć palityčnuju dziejnaść, pryviało b da ŭzmacnieńnia cisku na hramadzianskuju supolnaść i palityčnuju apazicyju, jakija ŭžo dziejničajuć u składanych abstavinach i ad jakich patrabujuć vykanańnia abmiežavalnych patrabavańniaŭ pry rehistracyi».
«Pryniaćcie prajekta papravak u zakanadaŭstva pra masavyja mierapryjemstvy pryviało b da dalejšaha abmiežavańnia pravoŭ hramadzian Biełarusi, a taksama ich svabod vykazvańnia i schodaŭ», — adznačana ŭ dakumiencie.
Pradstaŭnictva zaniepakojena «abmierkavańniem, što idzie, prajekta zakona ab słužbach dziaržaŭnaj biaśpieki, jaki ŭjaŭlaje saboj pahrozu fundamientalnym svabodam i pryniaćcie jakoha značna pašyryła b advolnyja paŭnamoctvy KDB, nie nadaŭšy pry hetym adpaviednaj uvahi prablemie praparcyjnaha vykarystańnia siły».
«Pradstaŭnictva ES zaklikaje Biełaruś iści pa šlachu da zabieśpiačeńnia svabod vykazvańniaŭ, asacyjacyj i schodaŭ hramadzian krainy ŭ adpaviednaści ź mižnarodnymi standartami i mižnarodnymi abaviazacielstvami Biełarusi, u tym liku praz spryjańnie dziejnaści arhanizacyj hramadzianskaj supolnaści i palityčnych partyj u krainie»,— havorycca ŭ zajavie.
Nahadajem, z zaklikam da ŭładaŭ Biełarusi nie ŭvodzić u dziejańnie novyja zakonaprajekty, jakija nosiać represiŭny charaktar, ad imia Jeŭrasajuza vystupiła 14 kastryčnika Maja Kačyjančyč,
Papraŭki ŭ zakanadaŭstva, jakija rehulujuć praviadzieńnie masavych mierapryjemstvaŭ, a taksama
Zakonaprajekt ab uniasieńni źmienaŭ u zakon ab orhanach dziaržbiaśpieki, jaki pakul tolki ŭniesieny na razhlad parłamienta, značna pašyraje pravy supracoŭnikaŭ śpiecsłužb, u tym liku dazvalaje bieśpieraškodnaje praniknieńnie ŭ luby čas sutak u žyłyja i ofisnyja pamiaškańni, prymianieńnie fizičnaj siły i śpiecsrodkaŭ.
