Na pasiadžeńni abłvykankama 17 kastryčnika staršynia Bresckaha abłvykankamu Kanstancin Sumar prapanavaŭ vyzvalić pasady staršyniam Hancavickaha i Stolinskaha rajvykankamaŭ, paviedamlaje hazieta «Hancavicki čas». Uładzimiru Stolaru i Alaksieju Dziamku stavicca ŭ vinu «pravał u pracy pa vynikach dzieviaci miesiacaŭ 2011 hoda ŭ halinach narodnaj haspadarki».
Namieśnik hałoŭnaha redaktara «Hancavickaha času» Piotr Huzajeŭski ŭ hutarcy z karespandentam «NN» padkreśliŭ, što ekanamičnyja i sacyjalnyja prablemy rehijona patrabujuć terminovaha vyrašeńnia. Heta biespracoŭje, imklivaje skaračeńnie nasielnictva, pracoŭnaja mihracyja za miažu, najpierš Rasiju. Na dumku žurnalista, kali nie pryniać efiektyŭnych zachadaŭ, Hancavicki rajon moža apynucca pad pahrozaj rasfarmiravańnia.
