Film pa apovieści Bykava «U tumanie» zdymajuć kinamatahrafisty šaści krain 6

Kiniematahrafisty šaści krain, u tym liku biełaruskija, zaniaty ŭ zdymkach filma pa matyvach apovieści Vasila Bykava «U tumanie». Ab hetym u intervju karespandentu BIEŁTA paviedamiŭ hienieralny dyrektar Nacyjanalnaj kinastudyi «Biełaruśfilm» Aleh Silvanovič.

Karcina pavodle apovieści Bykava — adzin z najbolš vialikich «artaŭskich» prajektaŭ, u jakich zaniaty «Biełaruśfilm», nad im pracuje viadomy režysior Siarhiej Łaźnica. Heta mižnarodny kinaprajekt, jaki realizujecca sumiesna z Hiermanijaj, Niderłandami, Łatvijaj, Litvoj i Rasijaj. Jak rastłumačyŭ Aleh Silvanovič, asnoŭnyja zdymki ŭžo zavieršany, film budzie vypuščany ŭ mai nastupnaha hoda.

Siarhiej Łaźnica atrymaŭ šmat uznaharod i pryzoŭ za film «Ščaście majo» (u tym liku Hran-pry kinafiestyvalu «Listapad-2010»), jaki byŭ pradstaŭleny ŭ prahramie Kanskaha fiestyvalu.

U filmie pa apovieści Bykava hałoŭnuju rolu vykonvaje biełaruski akcior, na mantažy huku taksama pracuje biełaruski śpiecyjalist. «Heta vielmi maštabny prajekt z punktu hledžańnia mastackaha patencyjału, i my ŭskładajem na jaho vialikija nadziei», — skazaŭ hienieralny dyrektar «Biełaruśfilma».

Pry hetym Aleh Silvanovič adznačyŭ, što taja sistema finansavańnia, jakaja była narmalnaj dla kinahaliny raniej, ciapier źmianiajecca praź inšyja pryncypy i miechanizmy. Pavodle jaho słoŭ, źmianieńnie ŭmoŭ finansavańnia pryvodzić da nieabchodnaści pryciahnieńnia pazabiudžetnych hrašovych srodkaŭ, što daść mahčymaść zdymać bolš filmaŭ. Akramia taho, važna, kab kinapradukt ź biełaruskim udziełam prysutničaŭ nie tolki ŭ Biełarusi, ale i za miažoj. «Nam vyhadna, kali sumiesnyja prajekty pakazvajuć pa telekanałach Rasii, Ukrainy.

A film pavodle apovieści Bykava navat vyjdzie ŭ kinaprakat Jeŭropy, bo na im pracuje jašče i Hiermanija, jakaja daje na realizacyju lvinuju dolu srodkaŭ.

Biezumoŭna, Biełaruś maje prava i pavinna prysutničać u jeŭrapiejskim kinaprakacie, pakul choć by ŭ vyhladzie sumiesnych pastanovak», — skazaŭ Aleh Silvanovič.

Kiraŭnik «Biełaruśfilma» taksama dadaŭ, što ciapier pierad kinastudyjaj staić zadača zrabić ekanamična bolš adčuvalnym efiekt akupnaści hrašovych srodkaŭ. «My dobra razumiejem, što kali prychodzić pradziusar i prynosić niekalki miljonaŭ dołaraŭ, jon praličvaje varyjant viartańnia hrašovych srodkaŭ. Naŭrad ci jon układzie svaje hrošy ŭ prajekt pa pryncypu „davaj adrazu zrobim, a paśla budziem pradavać“. Analityka budučych prodažaŭ — heta vielmi važny faktar pry pryniaćci rašeńnia ab udziele ŭ kankretnym prajekcie», — skazaŭ Aleh Silvanovič. Siońnia ŭsie jeŭrapiejskija krainy tak ci inakš abjadnoŭvajuć biudžety dla sumiesnaj kinavytvorčaści: nieabchodna atrymać bolš maštabnyja i pryvabnyja prajekty. Plus — abjadnańnie kinaprakataŭ krain-udzielnic. «Pry hetym usio nie tak užo adnaznačna, naša zadača ŭ hetaj situacyi — dumać ab tym, što ŭłasna biełaruskaha zastaniecca ŭ takoj kinapradukcyi. Z adnaho boku, my razumiejem, što dla „Biełaruśfilma“ važna sufinansavańnie, i my robim staŭku na sumiesnyja pastanoŭki, z druhoha — nie źbirajemsia admaŭlacca ad biełaruskaha mastackaha składalnika ŭ našym kino», — reziumavaŭ Aleh Silvanovič.

Taćciana Pastušenka, BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH