U Biełarusi budzie arhanizavana šyrokamaštabnaje śviatkavańnie 125‑hodździa z dnia naradžeńnia narodnych paetaŭ Biełarusi Janki Kupały i Jakuba Kołasa. Adpaviedny ŭkaz numar 57 prezident Biełarusi padpisaŭ 29 studzienia.
Jak paviedamili BIEŁTA u pres‑słužbie kiraŭnika dziaržavy, dakumientam zaćvierdžany skład respublikanskaha arhanizacyjnaha kamiteta pa padrychtoŭcy i praviadzieńniu śviatkavańnia 125‑hodździa z dnia naradžeńnia narodnych paetaŭ Biełarusi Janki Kupały i Jakuba Kołasa i płan mierapryjemstvaŭ da hetaha jubileju.
Śviatočnyja mierapryjemstvy i ŭračystyja schody, pryśviečanyja hetaj dacie, buduć praviedzieny na praciahu 2007 hoda jak u Biełarusi, tak i za jaje miežami. Siarod ich — stvareńnie tematyčnych litaraturna‑mastackich i dakumientalna‑publicystyčnych prahram, zapis i tranślacyja lepšych teatralnych śpiektaklaŭ pavodle tvoraŭ kłasikaŭ.
U ramkach ICh Nacyjanalnaha fiestyvalu biełaruskaj pieśni i paezii płanujecca pravieści kancert, u čas jakoha prahučać tvory biełaruskich kampazitaraŭ na vieršy Janki Kupały i Jakuba Kołasa. U Nacyjanalnaj biblijatecy Biełarusi ź lipienia pa listapad budzie pracavać respublikanskaja vystaŭka vydańniaŭ tvoraŭ kłasikaŭ biełaruskaj litaratury.
U vieraśni adbudziecca mižnarodnaja navukova‑praktyčnaja kanfierencyja «Janka Kupała i Jakub Kołas u sistemie dziaržaŭna‑kulturnych i duchoŭna‑estetyčnych pryjarytetaŭ XXI stahodździa». Va ŭstanovach adukacyi respubliki projduć paetyčnyja čytańni, śviaty paezii, konkursy na lepšyja sačynieńnie i malunak.
Da jubilejnych dat płanujecca vydańnie drukavanaj i suvienirnaj pradukcyi, a sami ŭračystyja mierapryjemstvy atrymajuć šyrokaje aśviatleńnie ŭ srodkach masavaj infarmacyi.
