U Minsku na placoŭcy kala Pałaca sportu 29–30 kastryčnika z 10.00 da 17.00 adbudziecca kirmaš «Ryba Biełarusi 2011», u jakim prymuć udzieł rybavodnyja haspadarki i rybapierapracoŭčyja pradpryjemstvy z usioj krainy.
Pakupnikam prapanujuć šyroki asartymient pradukcyi pa cenach vytvorcaŭ: žyvuju sažałkavuju rybu (karp, taŭstałobik, bieły amur, som, ščupak, karaś i inš.) i kaštoŭnyja parody ryb (asietr, ścierladź, farel i inš.). Taksama možna budzie nabyć achałodžanuju
Kulinary rybavodnych haspadarak abiacajuć paradavać pradukcyjaj ułasnaj vytvorčaści:naviedvalnikaŭ kirmašu nakormiać smačnaj juškaj i barbiekiu. Taksama dla haściej kirmašu buduć pracavać pradpryjemstvy hramadskaha charčavańnia, a dobry kirmašovy nastroj stvorać kalektyvy mastackaj samadziejnaści.
Adnačasova vosieńskija sielskahaspadarčyja kirmašy pa prodažy płodaaharodninnaj pradukcyi projduć va ŭsich administracyjnych rajonach horada.Staličnym pakupnikam budzie pradstaŭleny šyroki asartymient płodaaharodninnaj pradukcyi: bulba, kapusta, buraki, morkva, pierac, cybula, jabłyki, hrušy, tamaty, ahurki, časnok, saleńni, kvašańni i inš.
Kala Minskaha ladovaha pałaca svaju pradukcyju minčanam prapanujuć pierapracoŭčyja pradpryjemstvy, sielskahaspadarčyja arhanizacyi, fiermierskija haspadarki i handlovyja arhanizacyi Minskaj vobłaści.