Bolš za pałovu žycharoŭ šaści krainaŭ Eŭraźviazu vykazałasia za dałučeńnie Ŭkrainy da Eŭraźviazu. Arahanizacyja daśledavańnia hramadzkaj dumki «Opinion» praviała apytańni ŭ Polščy, Niamieččynie, Hišpanii, Francyi, Italii, Vialikaj Brytanii, a taksama Ŭkrainie. Najbolš prychilnikaŭ dałučeńnia Ŭkrainy da EZ akazałasia ŭ Polščy. Palaki chočuć hetaha navat bolš, čym sami ŭkraincy. «Za» vykazałasia 73% palakaŭ i 55% ukraincaŭ. Kijeŭ taksama moža raźličvać na Hišpaniju dy Francyju — tam pašyreńnia Eŭraźviazu na Ŭkrainu žadajuć bolš za pałovu apytanych. Horaj u Vialikaj Brytanii j Niamieččynie, dzie «za» vykazałasia 47 i 44% adpaviedna. Analahičnyja daśledavańni rabilisia ŭ kancy 2005 h., tady kolkaść prychilnikaŭ uvachodu Ŭkrainy ŭ Eŭraźviaz skłała ŭ siarednim 51%, abo na 4 punkty mienš, čym ciapier.
