MAZ pačaŭ siertyfikacyjnyja vyprabavańni ekskluziŭnaha kapotnaha aŭtamabila 5

AAT «Minski aŭtamabilny zavod» pačało siertyfikacyjnyja vyprabavańni kapotnaha aŭtamabila MAZ-6440RA.

Pra heta paviedamiŭ karespandentu BIEŁTA hałoŭny kanstruktar pa aŭtamabilnaj technicy MAZa Pavieł Šabanaŭ.

Vyprabavańni hetaha ekskluziŭnaha aŭtamabila kapotnaj kampanoŭki buduć prachodzić u niekalki etapaŭ, i pieršy ź ich — siertyfikacyjny. Zatym projduć darožnyja vyprabavańni. «My spadziajemsia ŭ nastupnym hodzie zaviaršyć kompleksnyja vyprabavańni aŭtamabila i matora», — adznačyŭ Pavieł Šabanaŭ.

Siedłavy ciahač MAZ-6440RA maje absalutna novy ruchavik, stvoranym AAT «Minski matorny zavod» sumiesna z rasijskim vytvorcam AAT «Tutajeŭski matorny zavod» z vykarystańniem elektroniki firmy Bosch. Ruchavik mahutnaściu 600 k.s. adpaviadaje ekałahičnamu standartu Jeŭra-4. Ustalavanaja aŭtamatyčnaja skrynka pieradač Allison 4500R.

Aŭtamabil byŭ stvorany ŭ žniŭni hetaha hoda. Takaja madel na MAZie stvoranaja ŭpieršyniu. Pierad kanstruktarami staviłasia zadača raspracavać biaśpiečny aŭtamabil z bolš kamfortnymi ŭmovami dla kiroŭcy, asablivym dyzajnam i šyrokim śpiektram techničnych charaktarystyk. Ciahač vykarystoŭvajecca ŭ sčepcy z paŭpryčepam MAZ-975830 i pryznačany dla pieravozak na vialikija adlehłaści.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH