Abaznačeńnie marki bienzinu źmienicca z 2013 hoda

Abaznačeńnie marki aŭtamabilnaha bienzinu i dyzielnaha paliva źmienicca ŭ Biełarusi z 2013 hoda, paviedamili karespandentu BIEŁTA ŭ pres-słužbie kancerna «Biełnaftachim».

31 śniežnia 2012 hoda ŭ siłu ŭstupić techničny rehłamient Mytnaha sajuza «Ab patrabavańniach da aŭtamabilnaha i avijacyjnaha bienzinu, dyzielnaha i sudnavaha paliva, paliva dla reaktyŭnych ruchavikoŭ i mazutu». Asablivaściu dakumienta źjaŭlajecca ŭviadzieńnie paniaćcia ekałahičnaha kłasa paliva — kłasifikacyjnaha koda (K2, K3, K4, K5), jaki vyznačaje patrabavańni biaśpieki paliva.

«U suviazi z hetym źmienicca abaznačeńnie marki aŭtamabilnaha bienzinu abo dyzielnaha paliva», — adznačyli ŭ kancernie.

Naprykład, marka bienzinu budzie abaznačacca tak: AI-95-K5,

dzie litary AI abaznačajuć aŭtamabilny bienzin, 95 — ličbavaje abaznačeńnie aktanavaha liku aŭtamabilnaha bienzinu, vyznačanaha mietadam daśledavańnia, a simvały K5 abaznačajuć ekałahičny kłas paliva.

Abaznačaeńnie dyzielnaha paliva budzie ŭklučać u siabie litary DP, jakija abaznačajuć dyzielnaje paliva dla aŭtamabilnych ruchavikoŭ, litary Ł (letniaje), Z (zimovaje), A (arktyčnaje), Je (mižsiezonnaje), jakija abaznačajuć klimatyčnyja ŭmovy prymianieńnia, i simvały, jakija abaznačajuć ekałahičny kłas dyzielnaha paliva. Naprykład, DP-Z-K4 (dyzielnaje paliva zimovaje ekałahičnaha kłasa 4).

Abaznačeńnie marki paliva moža dadatkova ŭklučać handlovuju marku (handlovy znak) vytvorcy.

Dziaržaŭnymi standartami, jakija dziejničali ŭ Biełarusi, vyznačeńnie ekałahičnych kłasaŭ paliva nie praduhledžvałasia. Pastaŭlajučy značnuju kolkaść svajoj pradukcyi na ekspart, biełaruskija naftapierapracoŭščyki ŭ rabocie nad jakaściu naftapraduktaŭ aryjentavalisia na jeŭrapiejskija ekałahičnyja standarty (Jeŭra-4 i Jeŭra-5).

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH