U kancy matča rehularnaha čempijanatu KCHŁ «Dynama» (Minsk) – «Viciaź» (3:2) hulcy pryjezdžaj kamandy spravakavali bojku nie tolki z chakieistami zubroŭ, ale i z zaŭziatarami «Dynama». Pačałosia ŭsio z taho, što za 15 siekund da kanca matča Alaksandr Sazonaŭ pavaliŭ Tejemu Łajnie ŭ centry placoŭki i pačaŭ źbivać hulca.
U znak pratestu suprać chamskich pavodzinaŭ chakieistaŭ «Viciazia» zaŭziatary zakidali placoŭku płastykavymi butelkami i inšymi pradmietami.
Praz 8 siekund paśla adnaŭleńnia hulni jašče adnu bojku arhanizavaŭ Krystafier Brenan, jaki źbivaŭ Uładzimira Dzianisava, jaki lažaŭ na placoŭcy. Biełaruskija zaŭziatary znoŭ zakidali lod, a taksama łaŭku zapasnych płastykavymi butelkami.
Niekatoryja ź ich trapili ŭ hałavu hałoŭnamu trenieru «Viciazia» Andreju Nazaravu.Jon nie znajšoŭ ničoha lepšaha, čym uziać klušku i praz aharodžu pahražać joj zaŭziataram. Pryčym razmachvaŭ trenier joj tak aktyŭna, što ŭ vyniku jana złamałasia.
Situacyja supakoiłasia tolki paśla taho, jak na siektary źjaviŭsia AMAP i adcisnuŭ zaŭziataraŭ ad aharodžy. Sychodziŭ Nazaraŭ u padtrybunnyja pamiaškańni, demanstrujučy nieprystojnyja žesty minskaj publicy.
Adznačym, što ŭ hetym matčy hości zarabili 182 chviliny štrafu, a haspadary — 2 chviliny.
Poŭnaje videa (16 chvilin z momantu pieramožnaj šajby da kanca hulni):
