Sieryjał «Nikita». Biełaruski dyktatar suprać CRU abnoŭlena; dadałasia spasyłka na videa 19

U čarhovym siezonie amierykanskaha detektyŭnaha sieryjała «Nikita» źjaviłasia sieryja, pryśviečanaja Biełarusi. Zhodna ź siužetam, u krainie kiravaŭ dyktatar Valeryj Aviečkin. Šeść hadoŭ tamu jaho zabili i pastavili na jaho miesca dvajnika. I voś novy Aviečkin vychodzić z-pad kantrolu. Pa jahonym zahadzie zabivajuć śviedkaŭ — achoŭnika, a paśla i pamočnika, jakija viedali, što jon niesapraŭdny prezident.

Sakretnaja ahienctva, u jakim pracuje Nikita, atrymlivaje zahad zabić dvajnika, i śpieckamanda adpraŭlajecca ŭ Biełaruś, kab vykanać zadańnie...

Uvažlivy hladač znojdzie šmat cikavych padabienstvaŭ ź situacyjaj u Biełarusi. Naprykład, kiraŭnik dziaržavy maje pazašlubnaha syna Maksa, dzicionka daškolnaha uzrostu. Ale jahonaja maci vyjaŭlajecca… ahientkaj CRU.

Lapaŭ niekalki. Naprykład, na aŭtamabilach rasijskija, a nie biełaruskija numary. Vidać, nie chapiła rekvizitu.

Z pryjemnych drobiaziaŭ — bieł-čyrvona-bieły ściah nad rezidencyjaj kiraŭnika Biełarusi.

Kramolny siužet źjaviŭsia ŭ piataj sieryi druhoha siezonu. Ciapier hety sieryjał naŭrad ci pakažuć pa biełaruskim telebačańni.

Piatuju sieryju možna pahladzieć pa spasyłcy http://seasonvar.ru/serial-3163-Nikita-2-season.html

0

0

0

0

0

0

Nashaniva.com