Dyskontnaja sistema na peŭnyja hrupy charčovych i niecharčovych tavaraŭ dla małazabiaśpiečanych minčan nieŭzabavie zapracuje ŭ kramach horada, paviedamiŭ načalnik hałoŭnaha ŭpraŭleńnia spažyvieckaha rynku Minharvykankama Valancin Bajdak siońnia na apieratyŭnaj naradzie ŭ harvykankamie.
Dyskontnaja sistema ŭvodzicca z metaj dadatkovaj sacyjalnaj padtrymki małazabiaśpiečanych katehoryj nasielnictva.
Płanujecca, što na pramysłovyja tavary źnižka składzie 10-12%, na charčovyja - 3-5%.
Pa źnižanych cenach možna budzie nabyvać 32 hrupy niecharčovych i 16 hrup -- charčovych tavaraŭ.
Staršynia kamiteta pa pracy, zaniataści i sacyjalnaj abaronie Minharvykankama Žanna Ramanovič ŭdakładniła,
što dyskontnaja sistema raspaŭsiudžvajecca namałazabiaśpiečanyja (z dachodami nižej biudžetu pražytačnaha minimumu) šmatdzietnyja siemji, adzinokich piensijanieraŭ pa ŭzroście i invalidaŭ I i II hrup, dziaciej-invalidaŭ, sirot - vypusknikoŭ internatnych ustanoŭ, siemji invalidaŭ ź niepaŭnaletnimi dziećmi.
"Kiraŭnictva sacyjalnaj abarony administracyj rajonaŭ horada, terytaryjalnyja centry sacyjalnaha absłuhoŭvańnia nasielnictva rajonaŭ hatovyja prystupić da infarmavańni nasielnictva, jak tolki buduć atrymany płastykavyja kartki", - skazała kiraŭnik profilnaha kamiteta harvykankaama, dadaŭšy, što dyskontnyja karty buduć vyrablenyja za srodki handlovych pradpryjemstvaŭ horada. Kab nabyć tavar pa dyskontnaj karcie, nieabchodna budzie mieć pry sabie dakumient, jaki zaśviedčvaje asobu.
Staršynia Minharvykankama Mikałaj Ładućka daručyŭ paskoryć praces arhanizacyi takoha handlu i pierajści na dyskontnaj handlovaje absłuhoŭvańnie małazabiaśpiečanych minčan z 12 listapada pa pramysłovym, z 15 listapada - pa charčovym hrupam tavaraŭ.
