niahledziačy na vyniesienyja im papiaredžańni. Jak paviedamiŭ adzin z sustaršyniaŭ arhkamiteta Narodnaha schodu Viktar Ivaškievič,
najbližejšuju akcyju płanujecca pravieści, jak i płanavałasia, 12 listapada ŭ tych ža miescach, dzie prachodzili pieršyja schody.«Narodnyja pradstaŭniki, abranyja na schodach u kastryčniku, prainfarmujuć, jak ułady adreahavali na našy patrabavańni. Taksama buduć abmierkavany formy dalejšych dziejańniaŭ», — skazaŭ Ivaškievič.
Nahadajem, pieršy Narodny schod adbyŭsia 8 kastryčnika. Akcyi prajšli ŭ Minsku, Połacku, Navapołacku, Babrujsku, Homieli, Vilejcy, Oršy, Baranavičach, Viciebsku, Mahilovie, Žłobinie. Arhkamitet nie padavaŭ zajaŭki na ich praviadzieńnie, arhumientujučy heta tym, što taki farmat akcyi (schod) padpadaje pad dziejańnie zakona ab respublikanskich i miascovych schodach. Zhodna z zakonam dla praviadzieńnia schodu nieabchodna sabrać podpisy nie mienš jak 10% hramadzian, jakija pražyvajuć na peŭnaj terytoryi. Pry hetym zdavać podpisy ŭ
Ułady z takimi dovadami nie zhodnyja. Napiaredadni pieršaha Narodnaha schodu dvuch sustaršyniaŭ arhkamiteta — Viktara Ivaškieviča i Hienadzia Fiadyniča — Hienprakuratura papiaredziła ab niezakonnaści jaho praviadzieńnia. Anałahičnyja papiaredžańni im zrabili ŭ Minharvykankamie.
Tym časam udzielniki pieršaha Narodnaha schodu pryniali rezalucyi z patrabavańniami da ŭład. Siarod takich patrabavańniaŭ — spynić rost cen na pradukty charčavańnia, tavary pieršaj nieabchodnaści, pasłuhi i miedykamienty; indeksavać zarpłaty, piensii, stypiendyi ŭ adpaviednaści z rostam cen; zabiaśpiečyć hramadzianam mahčymaść svabodna kuplać valutu i viartać kredyty ŭ biełaruskich rublach; admianić sistemu karotkačasovych abaviazkovych kantraktaŭ; pradprymalnikam stvarać novyja pracoŭnyja miescy.
U rezalucyjach byli i palityčnyja patrabavańni — vyzvalić usich palitźniavolenych i adnavić ich va ŭsich hramadzianskich pravach, a taksama pravieści novyja svabodnyja vybary prezidenta i parłamienta.
12 kastryčnika rezalucyi schodaŭ byli pieradadzieny ŭ Saviet ministraŭ. Adnak, jak paviedamiŭ Ivaškievič, zamiest adkazaŭ na peŭnyja patrabavańni prychodziać adpiski. «Ułady kažuć, što va ŭsim vinavaty ekanamičny kryzis, a sami jany robiać usio mahčymaje», — skazaŭ palityk.
