paviedamiła hałoŭny pazaštatny endakrynołah Ministerstva achovy zdaroŭja Ała Šapialkievič 9 listapada na
Pavodle jaje słoŭ, štohod dyjabiet vyjaŭlajuć upieršyniu ŭ 20–22 tys. čałaviek.
Usiaho ŭ krainie na pačatak hoda zarehistravana 210 tys. 742 pacyjenty z cukrovym dyjabietam, u tym liku bolš za 1 tys. 400 dziaciej.Amal 195 tys. pacyjentaŭ chvorych na cukrovy dyjabiet druhoha typu, prykładna 15 tys. — pieršaha.
Šapialkievič padkreśliła, što rost chvorych na dyjabiet adznačajecca va ŭsich krainach. Z 2000 hoda kolkaść chvorych, jakija pakutujuć na heta zachvorvańnie, ŭ śviecie vyrasła sa 100 młn. da 300 młn. čałaviek. Asnoŭnyja pryčyny rostu kolkaści dyjabietykaŭ — pavieličeńnie kolkaści ludziej z zališniaj masaj cieła i atłuścieńniem, a taksama hipadynamija i emacyjanalnaje pieranapružańnie, chraničny stres.
Jak paviedamiła śpiecyjalist, z 1 pa 14 listapada ŭ Biełarusi prachodzić akcyja pa rańnim vyjaŭleńni i prafiłaktycy cukrovaha dyjabietu. U endakrynałahičnych centrach i paliklinikach naviedvalnikam prapanoŭvajecca zapoŭnić ankiety dla acenki dziesiacihadovaj ryzyki raźvićcia cukrovaha dyjabietu druhoha typu. U asob z vysokim uzroŭniem ryzyki pravodzicca vyznačeńnie ŭzroŭniu hlikiemii, a ŭ niekatorych centrach respublikanskaha ŭzroŭniu — vyznačeńnie hlikiravanaha hiemahłabinu. Čakajecca, što akcyja dazvolić vyjavić novych pacyjentaŭ z cukrovym dyjabietam i bolš rańnimi parušeńniami vuhlavodnaha abmienu, acanić najbolš raspaŭsiudžanyja faktary ryzyki raźvićcia zachvorvańnia.
14 listapada adznačajecca Suśvietny dzień baraćby z dyjabietam. U hety dzień u Biełarusi tradycyjna asablivaja ŭvaha nadajecca pytańniam prafiłaktyki zachvorvańnia, a taksama navučańniu pacyjentaŭ z cukrovym dyjabietam, adznačyła śpiecyjalist. Prafiłaktyka dyjabietu praduhledžvaje admovu ad pierajadańnia, bolš aktyŭny ład žyćcia, a taksama vykanańnie režymu dnia: pa 8 hadzin pavinny być adviedzieny na pracu, adpačynak i son.
Dla navučańnia pacyjentaŭ z cukrovym dyjabietam u Biełarusi adkryta 213 ambułatornych i stacyjanarnych škoł. U vieraśni Ministerstvam achovy zdaroŭja była zaćvierdžana adzinaja prahrama dla navučańnia ŭ hetych škołach.
U jakaści značnaha aśpiektu dapamohi dyjabietykam śpiecyjalist taksama adznačyła zaviaršeńnie vykarystańnia śvinoha insulinu ŭ 2010 hodzie i poŭny pierachod na
