BATE — «Viktoryja» pačniecca a 21:00 6

U suviazi z admienaj pierachodu Biełarusi na zimovy čas UEFA pryniała rašeńnie pra pieranos matča 5-ha tura hrupavoha raŭndu Lihi čempijonaŭ pamiž barysaŭskim BATE i češskaj «Viktoryjaj» na 21:00, paviedamlaje sajt biełaruskaha kłuba.

Nabytyja raniej bilety dziejsnyja.

Matč projdzie 23 listapada (sierada) na minskim stadyjonie «Dynama».

Paśla 4-ch turaŭ stanovišča ŭ našaj hrupie nastupnaje:

Barsiełona — 10, Miłan — 8, BATE — 2, Viktoryja — 1.

BATE ŭ pieršym tury (13 vieraśnia) zhulała ŭ Čechii z «Viktoryjaj» uničyju 1:1, u 2-m (28 vieraśnia) prajhrała doma «Barsiełonie» 0:5, u 3-m prajhrała na vyjeździe «Miłanu» 0:2, u 4-m zhulała z «Miłanam» u Minsku 1:1.

«Barsiełona» i «Miłan» daterminova vyjšli ŭ 1/8 finału Lihi čempijonaŭ.

BATE maje šancy zaniać 3-je miesca, kab u lutym 2012 h. vystupić u plej-of Lihi Jeŭropy.

Dla hetaha treba pieramahčy «Viktoryju», i tady matčy zaklučnaha turu, 6 śniežnia, nie važnyja («Barsiełona» — BATE, «Viktoryja» — «Miłan»).

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH