Łukašenka zaćvierdziŭ dakumienty, što rehulujuć dziejnaść Śledčaha kamiteta

Alaksandr Łukašenka 10 listapada padpisaŭ ukaz № 518 «Pytańni Śledčaha kamiteta Respubliki Biełaruś».

Jak paviedamiła pres-słužba kiraŭnika dziaržavy, z metaj stvareńnia nieabchodnaj pravavoj bazy dla dziejnaści Śledčaha kamiteta dakumientam zaćvierdžany pałažeńnie ab Śledčym kamitecie, pałažeńnie ab paradku prachodžańnia słužby ŭ Śledčym kamitecie, dyscyplinarny statut, tekst prysiahi supracoŭnika Śledčaha kamiteta. Taksama zaćvierdžany pieralik adpaviednaści śpiecyjalnych viedaŭ supracoŭnikaŭ Śledčaha kamiteta kłasnym čynam prakurorskich rabotnikaŭ, voinskim zvańniam, śpiecyjalnym zvańniam supracoŭnikaŭ orhanaŭ unutranych spraŭ, rabotnikaŭ orhanaŭ finansavych rasśledavańniaŭ Kamiteta dziaržaŭnaha kantrolu.

Ukazam ustanoŭlena, što narmatyŭnyja pravavyja akty Hienieralnaj prakuratury, MUS, KDK Biełarusi ŭ častcy, što tyčycca padraździaleńniaŭ papiaredniaha rasśledavańnia, dziejničajuć da pryniaćcia Śledčym kamitetam Biełarusi adpaviednych narmatyŭnych pravavych aktaŭ.

U adpaviednaści z dakumientam, Nacyjanalny centr zakanadaŭstva i pravavych daśledavańniaŭ sumiesna z Savietam ministraŭ i inšymi zacikaŭlenymi ŭ šaścimiesiačny termin pavinny padrychtavać i ŭnieści va ŭstanoŭlenym paradku na razhlad prezidenta prajekt zakona ab Śledčym kamitecie Respubliki Biełaruś.

Saviet ministraŭ da 1 studzienia 2012 hoda pavinien pryniać miery pa pryviadzieńni aktaŭ zakanadaŭstva ŭ adpaviednaść z ukazam, a taksama inšyja miery pa jaho realizacyi.

Ukaz nabyvaje moc 1 studzienia 2012 hoda.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH