Ab hetym paviedamiŭ u efiry telekanała STV hienieralny dyrektar kinastudyi Aleh Silvanovič.
Kinastudyja ŭžo atrymała scenar praciahu ad aŭtara «Biełych ros» Alaksieja Dudarava. U najbližejšy čas adbudziecca konkursnaja narada, paśla čaho pačniecca hłybokaje vyvučeńnie prajekta. Aryhinalny film Ihara Dabralubava vyjšaŭ na ekrany ŭ 1983 h.
Pavodle słoŭ hiendyrektara, u saviecki čas kankurencyja ŭ kinaindustryi była nie hetak vysokaja, boi telebačańnie tady było nie mocna raźvita, a dostup da zamiežnaha prakata byŭ abmiežavany. «Razam z tym nie ŭsie biełaruskija filmy tak dobra prymalisia, jak siońnia», — ličyć jon.
«Biełaruski kiniematohraf nie tak nikčemny, jak jaho ŭjaŭlajuć, — praciahnuŭ Aleh Silvanovič. — Jość prablemy ŭ ludziach i finansach. Akramia taho, važnaja akupnaść prajektaŭ. Adnak ciapier niama dziaržzakazu». Jon udakładniŭ, što ŭ savieckuju epochu byli ahulnasajuznyja premjery, kali brałasia niejkaja historyja, pa joj chutka zdymaŭsia film, rabiłasia 900 kopij, jakija pakazvalisia adnačasova na praciahu niejkaha času. «Ciapier padychod inšy: dajcie niejki film, jakim kraina budzie hanarycca», — rastłumačyŭ kiraŭnik kinastudyi.
