15 listapada na bazie11-j minskaj haradskoj kliničnaj balnicy adkryjecca chośpis dla darosłych.
Jak paviedamiła namieśnik hałoŭnaha ŭrača balnicy Alena Hramyka, jon stvorany pavodle zahadu kamiteta achovy zdaroŭja Minharvykankama.
Pavodle jaje słoŭ,
chośpis budzie prymać ankałahičnych chvorych z terminalnymi stadyjami čatyroch rajonaŭ Minska: Frunzienskaha, Maskoŭskaha, Kastryčnickaha i Centralnaha.Zadača chośpisa — palepšyć jakaść žyćcia pacyjentaŭ ź niespryjalnym prahnozam ciačeńnia chvaroby. Chvorym budzie pravodzicca simptamatyčnaje lačeńnie i abiazbolvańnie, kali heta nieabchodna. Jak adznačyła Hramyka, skarystać pasłuhi chośpisa možna budzie pa nakiravańni Minskaha haradskoha kliničnaha ankałahičnaha dyspansiera i inšych ustanoŭ achovy zdaroŭja.
Jak paviedamiła śpiecyjalist,
chośpis na vulicy Aŭtadoraŭskaj, 3a, zmoža adnačasova raźmiaścić 30 pacyjentaŭ.U im buduć pracavać uračy palijatyŭnaj dapamohi, miedycynskija siostry i małodšy miedycynski piersanał, a taksama psichołahi. Jany nie tolki akažuć dapamohu pacyjentam, ale i padtrymajuć svajakoŭ, navučać pravilnamu dohladu i znosinam z chvorymi.
Budzie pracavać taksama vyjaznaja słužba chośpisa, u skład jakoj uvojdzie ŭrač vyjaznoj bryhady i miedycynskija siostry. Vyjaznaja słužba zmoža kansultavać pacyjentaŭ doma, miedycynskija siostry akažuć nieabchodnuju dapamohu: apracujuć proležni, praviaduć pieraviazki, pastaviać kropielnicy, uviaduć preparaty, jakija palepšać stan chvoraha.
Jak adznačyła śpiecyjalist, dahetul u Minsku dziejničaŭ tolki adzin chośpis dla darosłych z ankałahičnymi zachvorvańniami, raźmieščany pa vulicy Stachanaŭskaja, 19.
0
0
0
0
0
0
