Na telebačańni adnoviacca tranślacyi čempijanata Biełarusi pa chakiei

U suviazi sa źjaŭleńniem novaha spartyŭna-zabaŭlalnaha kanała «Biełaruś-2», jaki źmianiŭ telekanał «Ład», Biełteleradyjokampanija adnović paśla doŭhaha pierapynku tranślacyi matčaŭ adkrytaha čempijanatu Biełarusi.

Namieśnik dyrektara dyrekcyi spartyŭnaha viaščańnia Biełteleradyjokampanii Alaksandr Kaziukievič adznačyŭ, što «Biełaruś-2» płanuje pakazvać tolki samyja cikavyja matčy z udziełam lidaraŭ nacyjanalnaha chakiejnaha pieršynstva: hrodzienskaha «Niomana», žłobinskaha «Mietałurha», «Homiela», salihorskaha «Šachciora», minskaha «Junactva».

Pieršy pramy repartaž vyjdzie ŭ efir u sieradu, 16 listapada —

balelščyki ŭbačać sustreču pamiž «Homielem», jaki ciapier zajmaje druhoje miesca ŭ turnirnaj tablicy ekstralihi, i «Šachcioram» (pačatak tranślacyi ŭ 18.55). U siarednim płanujecca pakazvać kala 3–4 matčaŭ u miesiac, prykładna pa adnoj hulni ŭ tydzień. Ich uklučeńnie ŭ prahramu budzie zaležać ad inšych spartyŭnych turniraŭ — dzieści daviadziecca addać pieravahu matčam KCHŁ abo futbolnaj Lizie čempijonaŭ. Kali hulni AČB buduć pačynacca ŭ 19.00, to jany buduć iści ŭ pramoj tranślacyi, a kali raniej, to ŭ zapisie.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH