Biełarusam pačali ŭžyŭlać štučnyja vušy 5

U Biełarusi asvojenaja apieracyja pa ŭžyŭleńni pacyjentu štučnych vušej, paviedamiła dyrektar Respublikanskaha navukova-praktyčnaha centra otarynałarynhałohii Ludmiła Makaryna-Kibaki 23 listapada na pres-kanfierencyi ŭ Minsku.

Pavodle jaje słoŭ, apieracyja rekamiendavanaja ludziam, u jakich vušnyja rakaviny adsutničajuć u siłu pryrodžanych anamalij raźvićcia abo niaščasnych vypadkaŭ (naprykład, z-za pažaru).

Tam, dzie pavinny być raźmieščanyja vušnyja rakaviny, ustanaŭlivajucca mietaličnyja apory, a na ich — płastykavyja vušnyja rakaviny. Pa pamierach i koleru jany padbirajucca indyvidualna i ničym nie adroźnivajucca ad zvyčajnych

vušnych rakavin. Užo zroblena piać takich apieracyj, zapłanavanyja jašče dźvie. Alternatyŭny mietad adnaŭleńnia vušej -uziać chrastok z rebiernaj duhi i sfarmavać ź jaho vušnuju rakavinu ŭ niekalki etapaŭ. Hetaja apieracyja bolš traŭmatyčnaja, akramia taho, nie zaŭsiody stvoranaja takim čynam vušnaja rakavina vyhladaje estetyčna, adznačyła śpiecyjalist.

U centry za sponsarskija hrošy «Biełahraprambanka» stvarajecca łabaratoryja pa vyrabie płastykavych štučnych vušej. Z 2012 pa 2015 hady takija łabaratoryi płanujecca stvaryć u kožnym abłasnym centry.

Pa słovach pradstaŭnicy RNPC otarynałahinhałohii, za hod u centry asvojena 16 novych chirurhičnych technałohij, jany pačynajuć ukaraniacca ŭ abłaściach. U ich liku apieracyi pa kaścianoj impłantacyi aparataŭ Bacha, rekamiendavanych pacyjentam, u jakich adsutničajuć vonkavyja słychavyja prachody. Apieracyja dazvalaje biez rasśvidroŭvańnia słychavoha prachoda ŭstaloŭvać u čerapie śpiecyjalnyja aparaty kaścianoj pravodnaści. Taksama ŭkaranionaja mietodyka pa palapšeńni słychu dla ludziej z anamalijami słychavych kostačak — impłantacyja siaredniaha vucha sistemaj Vibrant.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH