Pa kryminalnaj spravie ab patrojnym zabojstvie ŭ Mazyry prachodzić adzin padazravany, paviedamiŭ načalnik śledčaha adździeła prakuratury Homielskaj vobłaści Juryj Dziamjančyk.
Heta kiroŭca, jaki vypadkova najechaŭ na lažačaha mužčynu, jaki streliŭ u dvuch čałaviek.
U prakuratury paviedamili padrabiaznaści incydentu. 20 listapada, a treciaj hadzinie nočy ŭ milicyju pastupiła paviedamleńnie ab tym, što kala hulniavoha kłuba «777» čutnyja streły. Na miescy zdareńnia byli znojdzienyja dva trupy mužčyn 1984 i 1963 hadoŭ naradžeńnia. Jašče adzin čałaviek, 1987 hoda naradžeńnia, pamior u špitali ad ahniastrelnaha ranieńnia. Była ŭzbudžanaja kryminalnaja sprava za zabojstva dvuch i bolš asob z chulihanskich pamknieńniaŭ.
U chodzie śledstva było ŭstanoŭlena, što ŭ noč z 19 na 20 listapada ŭ vioscy Kamienka Mazyrskaha rajona adzin z zahinułych, raniej sudzimy za ŭčynieńnie chulihanskich dziejańniaŭ, adpačyvaŭ u kampanii svaich siabroŭ i dźviuch dziaŭčat.
U pracesie raśpićcia śpirtnoha hety mužčyna staŭ prystavać da adnoj ź dziaŭčat, a kali taja adprečyła jaho damahańni, abraziŭ jaje i staŭ pahražać pnieŭmatyčnym pistaletam.
Spałochanyja dziaŭčyny na svaim aŭtamabili vyjechali ź vioski i nakiravalisia da hulniavoha kłuba ŭ Mazyr. Tam jany raspaviali pra kanflikt svajmu znajomamu, taksama sudzimamu za chulihanstva.
Znajomy dziaŭčat stelefanavaŭsia z kryŭdzicielem i staŭ vyśviatlać ź im adnosiny. Kryŭdziciel paviedamiŭ siabram, što treba razabracca z tym, chto telefanavaŭ, i kala hadziny nočy jany ŭtroch vyjechali na aŭtamabili «Miersiedes» u Mazyr, dzie zajechali za jašče adnym znajomym, mužčynam 1963 hoda naradžeńnia, jaki ŭziaŭ z saboj strelbu i patrony.
Pryjechaŭšy ŭ kłub, jany znajšli tam chłopca, jaki telefanavaŭ im, i raspačali ź im bojku. Na vulicu vybiehli naviedniki kłuba. Ubačyŭšy heta, mužčyna z strelbaj pačaŭ stralać u natoŭp. Tak jon paraniŭ nie datyčnaha da kanfliktu naviedvalnika kłuba, jaki potym pamior u balnicy.
Zatym mužčyna streliŭ druhi raz, pamyłkova paraniŭšy svajho siabra, zavadataja kanfliktu. Kali mužčyna pasprabavaŭ pierazaradzić strelbu, adzin z naviednikaŭ kłuba adabraŭ zbroju, złamaŭ jaje i niekalki razoŭ udaryŭ taho, chto stralaŭ. Toj zvaliŭsia na asfalt.
U hety čas śmiarotna paranieny zavadataj kanfliktu dabraŭsia da svajoj mašyny i skazaŭ kiroŭcu, što siadzieŭ u joj, advieźci jaho ŭ špital. Ale kiroŭca nie zmoh vyjechać za aharodžu kłuba
Zavadataj razborak taksama pamior ad ahniastrelnaha ranieńnia.