«Lapisy» ledź nie parvali dva bajany na jubilei «Voplaŭ Vidaplasava» — videa 8

Hurt «Vopli Vidaplasava» šumna adśviatkavaŭ svajo 25-hodździe ŭ kijeŭskim Pałacy sportu. Pavinšavać jubilaraŭ sabralisia najlepšyja pradstaŭniki ŭkrainskaj, biełaruskaj i rasijskaj sučasnaj muzyki, siarod jakich była i hrupa «Lapis Trubiackoj».

Siarod udzielnikaŭ viečara byli skandalny repier Nahana, Šnur z «Leninhradam» u poŭnym składzie, lehiendarny «aukcyonaviec» Aleh Harkuša, papularnyja hrupy «Bumboks», Green Grey, Gorchitza. Usie artysty, jakija vystupali na scenie, padrychtavali dla jubilaraŭ padarunki — u asnoŭnym, materyjalnyja: miačy, futbołki, kasietnyja mahnitafony, karciny…

Padarunak «Lapisaŭ» staŭ samym niečakanym jak dla šmattysiačnaj publiki, tak i dla samich «Voplaŭ».

U finale svajho vystupu Siarhiej Michałok vykanaŭ adzin z hałoŭnych chitoŭ «VV» — pieśniu «Viasna», pryčym vykanaŭ pad dva bajany.

Na adnym ihraŭ hitaryst «Lapisa Trubiackoha» Rusłan Uładyka, na druhim — basist hurta Dzianis Sturčanka.

Hledačy padpiavali Michałku, nie škadujučy hałasavych źviazak; muzyki hrali, nie škadujučy instrumientaŭ, paśla čaho

adzin ź ledź nie parvanych bajanaŭ byŭ vyniesieny za kulisy i ŭručany lideru «Voplaŭ Vidaplasava» Alehu Skrypku.

I ŭžo tam, u hrymiorcy, Skrypka i Michałok jašče raz praśpiavali «Viasnu» — tolki ciapier na bajanie ihraŭ sam aŭtar pieśni.

«Ja fanat» Voplaŭ Vidaplasava «z kanca 80-ch, kali ŭpieršyniu pačuŭ ich na kasietach, — raspaviadaje Siarhiej Michałok. — U toj čas ja i ŭjavić nie moh, što kali-niebudź budu vystupać ź imi na adnoj scenie — dla mianie heta vialiki honar i vialikaja radaść. Kali nas zaprasili na jubilej „VV“, my doŭha dumali, što ž padaryć chłopcam — i ŭ vyniku kupili vielmi dobry, ja b skazaŭ bajavy bajan Tulskaha zavoda, zrabili na im vinšavalnuju hraviroŭku na biełaruskaj, nu i zaklikali da adkaznaści dvuch našych tajemnych bajanistaŭ — Rusłana i Dzianisa».

«Mnie vielmi spadabaŭsia padarunak» Lapisaŭ «- tamu što jon nie tolki pryhožy, ale i karysny, — skazaŭ u adkaz Aleh Skrypka. — A jašče

ja byŭ pryjemna ździŭleny tym, što, kali Siarhiej Michałok śpiavaŭ „Viasnu“, ja nie pačuŭ naohuł nijakaha akcentu! Niadaŭna ja zapisaŭ pa-biełarusku pieśniu „VV“ „Kraϊna Mrij“ i mahu skazać, što pry ŭsioj rodnaści našych dźviuch moŭ, praśpiavać biez akcentu — niaprostaja sprava».

Śviatkavańnie jubileja hrupy «Vopli Vidaplasava» praciahniecca 14 śniežnia ŭ Minsku — u vialikaj zale Pałaca Respubliki kalektyŭ pradstavić śpiecyjalnuju prahramu «Dzień naradžeńnia», u jakuju ŭvajšli ŭsie najlepšyja pieśni za 25 hadoŭ.

ZB

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH