«Zajavy, jakija my čujem u suviazi z pryhavoram Alesiu Bialackamu, źjaŭlajucca prykładam samaha kryvadušnaha vykarystańnia dvajnych standartaŭ», — havorycca ŭ kamientary načalnika ŭpraŭleńnia infarmacyi —pres-sakratara MZS Andreja Savinych da zajaŭ zamiežnych palitykaŭ nakont vyniasieńnia pryhavoru pravaabaroncu.
Jak padkreślivaje Savinych, pryhavor suda nie maje dačynieńnia da pravaabarončaj dziejnaści asudžanaha, a źviazany ź jaho ŭchileńniem ad vypłaty padatkaŭ.
«Usie najbujniejšyja krainy Zachadu mietadyčna damahajucca i atrymlivajuć ad dziaržaŭ — „padatkovych aazisaŭ“ danyja na svaich hramadzian, jakija ŭchilajucca ad nacyjanalnych padatkaŭ. Va ŭsich krainach Zachadu ŭchileńnie ad vypłaty padatkaŭ — heta kryminalna karalnaje dziejańnie. Tam pakarańnie za hetyja dziejańni — narmalnaja źjava, nas ža za heta abvinavačvajuć», — adznačaje
«Raspačataja na Zachadzie kampanija charaktaryzujecca adkrytym palityčnym naciskam na sudovyja orhany Biełarusi, što supiarečyć standartam sučasnaj sistemy pravasudździa»,— dadaŭ Savinych.
Jon adznačyŭ, što ŭ Biełarusi abskardžańnie sudovaha rašeńnia pa kryminalnaj spravie moža być realizavana tolki ŭ sudovym paradku. «Zakliki da advolnaj admieny sudovaha rašeńnia demanstrujuć vielmi vybarčy pravavy nihilizm i prosta cynizm ich aŭtaraŭ», — havorycca ŭ kamientary
