28.11.2011
/ 22:56 / Ałharytmičny łacinski varyjant
Va Uździenskim rajonie zabili numizmata
Dziela kalekcyi maniet u 40 tys. dalaraŭ.
Śledčym adździełam prakuratury Minskaj vobłaści rasśledujecca kryminalnaja sprava pa fakcie zabojstva žychara Uździenskaha rajona z-za kalekcyi maniet.
Nočču 7 listapada va Uździenski RAUS pastupiła paviedamleńnie ab pažary ŭ domie ŭ vioscy Łoša. Pry tušeńni pažaru ŭ chacie byŭ znojdzieny trup mužčyny 1975 hoda naradžeńnia, syna haspadara. Pryčynaj śmierci źjaviłasia nažavoje ranieńnie ŭ serca.
Pry praviadzieńni apieratyŭna-śledčych mierapryjemstvaŭ znojdzieny padazravany ŭ ździajśnieńni złačynstva — 27-hadovy žychar hetaj ža vioski. Mužčyna ŭžo znachodziŭsia pad śledstvam za ŭčynieńnie ŭ hetuju ž noč razbojnaha napadu.
Zhodna z asnoŭnaj viersijaj śledstva, zabojstva ździejśniena z-za kalekcyi maniet (usiaho 2,5 tysiačy), ahulnym koštam kala 40 tysiač dalaraŭ. Abvinavačvany ŭžo pakazaŭ miesca, dzie znachodzilisia skradzienyja maniety. Jany kanfiskavanyja. Viadziecca śledstva.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
