«Vihma» pravieryła «na ekstremizm» novy albom Pamidorava 3

Hurt Pomidor/OFF paśla dzieviacihadovaha maŭčańnia vypuskaje novy albom -- «Pafas/Papsa/Prapahanda». Jaho vydaje kampanija «Vihma».

Jak stała viadoma BiełaPAN, vydaŭcy napiaredadni paprasili na vyčytku teksty piesień Alaksandra Pamidorava.

«Možacie ličyć, što heta taki svojeasablivy pijar, — patłumačyŭ «NN» Siarhiej Rudovič, pradstaŭnik kampanii «Vihma». — My nie zajmajemsia palitykaj, my vydajom dyski. Čas ad času prosta praviarajem materyjał, jaki vypuskajem».

U vyniku ničoha ekstremisckaha ŭ tekstach Pamidorava nie znajšłosia. Albom možna budzie nabyć užo ŭ pačatku śniežnia. U im 13 novych piesień i dva bonus-treki. Adnu z novych pieśniaŭ Pamidorava «Dym» možna pasłuchać tut.

Prezientacyja alboma «Pafas/Papsa/Prapahanda» adbudziecca ŭ piatnicu, 2 śniežnia ŭ kłubie «Hrafici» (zav.Kalinina, 16)

u ramkach prajekta «Tuzin. Unplugged», padčas jakoha viadomyja hurty vystupajuć z akustyčnymi kancertami.

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH