Siońnia zranku byli zatrymanyja dva aktyvisty arhkamiteta pa stvareńni nacyjanał-balšavickaj partyi Jaŭhien Kontuš i Uładzisłaŭ Łobaŭ. Jak stała viadoma "NN" Uładzisłava Łobava adpuścili, a Jaŭhiena Kontuša buduć sudzić. Sudovaje pasiedžańnie adbudziecca praz hadzinu ŭ sudzie Pieršamajskaha rajona. Što inkryminujuć Kontušu - nieviadoma.
Pradstaŭnik arhkamiteta pa stvareńni nacyjanał-balšavickaj partyi Dźmitryj Siniak ličyć, što što zatrymańni źviazanyja z akcyjaj nacyjanał-balšavikoŭ 3 śniežnia kala budynka Biełteleradyjokampanii ŭ Minsku.
Ranicaj 3 śniežnia troje maładych ludziej praviali akcyju pratestu la budynka Biełteleradyjokampanii pa vulicy Makajonka ŭ Minsku. Jany vypluchnuli na hanku kala centralnaha ŭvachodu ŭ budynak BT viadro z łokšynaj i raskidali ŭlotki.