Uzrovień śmiarotnaści dziaciej ad traŭmaŭ i inšych niaščasnych vypadkaŭ u Biełarusi značna pieravyšaje adpaviednyja pakazčyki ŭ raźvitych krainach. Pra heta paviedamiŭ namieśnik dyrektara pa
Pavodle źviestak RNPC, štohod u Biełarusi traŭmy atrymlivajuć bolš jak 750 tysiač žycharoŭ, ź ich kala 150 tysiač, abo 20%, — heta dzieci i padletki da 18 hadoŭ.
Łomać padkreśliŭ, što z 2001 pa 2010 hady kolkaść traŭmaŭ, atručeńniaŭ i inšych uździejańniaŭ źniešnich pryčyn uzrasła na 21%. Pa charaktary paškodžańniaŭ najbolš častymi źjaŭlajucca rany, pavierchnievyja traŭmy, paškodžańni sasudaŭ, vyciatyja miescy i rastruščvańni — 50% i bolš. Pierałomy kaściej kaniečnaściaŭ składajuć 20%, vyvichi i raściažeńni — 10–15%. Radziej sustrakajucca ŭnutryčarapnyja traŭmy — 2–2,5%; pierałomy pazvanočnika i kaściej čerapa — 0,8–1%, množnyja i spałučanyja traŭmy — da 3%. Hetyja paškodžańni majuć vysokuju śmiarotnuju ryzyku.
Na dumku namieśnika dyrektara RNPC, u mnohim heta źviazana z tym, što traŭmy i atručeńni stali lepš vyjaŭlacca i rehistravacca. Naprykład, značnaje zachvorvańnie adznačana ŭ Minsku, dzie «pry traŭmach ludzi aktyŭna źviartajucca ŭ palikliniki». Razam z tym pakazčyk invalidnaści pa pryčynie traŭmaŭ źniziŭsia ŭ krainie z 0,78 u 2006 hodzie da 0,48 na 10 tysiač dziciačaha nasielnictva ŭ 2010 hodzie.
U struktury piarvičnaha zachvorvańnia ŭ dziaciej da 18 hadoŭ traŭmy, atručeńni i inšyja nastupstvy ŭździejańnia źniešnich pryčyn ustojliva zajmajuć druhoje miesca.
Śmiarotnaść ad atručeńniaŭ składaje try vypadki na 100 tys. dziaciej. U krainach z vysokim uzroŭniem dachodaŭ — 0,2 vypadku na 100 tys. dziaciej. Značnaj źjaŭlajecca śmiarotnaść ad utapleńnia — 4,7 na 100 tys., u vyniku DTZ — 7 na 100 tys. U raźvitych krainach — 0,6 i 5,2 adpaviedna.
U struktury dziciačaj śmiarotnaści ŭ Biełarusi traŭmy zajmajuć viadučaje miesa i składajuć 31% usich vypadkaŭ śmierci dziaciej da 18 hadoŭ, a na
Łomać padkreśliŭ, što nieabchodna ŭzmacniać adkaznaść baćkoŭ za dziaciej, pakolki «pryčynaj traŭmaŭ u dziciačym uzroście časta źjaŭlajecca adsutnaść naležnaha nahladu z boku darosłych za dziećmi ŭsich uzrostavych hrup».
Dziciačy traŭmatyzm moža być praduchileny, padkreśliŭ jon, dziakujučy arhanizavanym sumiesnym namahańniam hramadstva. Dla hetaha «patrabujecca rašučaja i niaspynnaja padtrymka na ŭsich uzroŭniach dziaržaŭnaha kiravańnia i hramadstva»; pavinny być vydzieleny nieabchodnyja resursy, miarkuje śpiecyjalist.