Navukoŭcy vyvieli rezistentnych da ŭtvareńnia mietastaz myšej: im udałosia heta zrabić, pazbaviŭšy žyvioł peŭnaha białku.Adpaviednaja praca ŭ budučyni moža stać asnovaj dla novaha mietadu lačeńnia i prafiłaktyki raku.
Daśledniki šviejcarskaha centra ekśpierymientalnych daśledavańniaŭ raku pry Fiederalnaj politechničnaj škole Łazany ŭpieršyniu zasiarodzili svaju ŭvahu nie na pieršasnaj puchlinie, a na mietastazach, i damahlisia pośpiechu.
Jany zdoleli vyłučyć białok, jaki hraje klučavuju rolu ŭ raźvićci mietastazy, i, zabłakavaŭšy jaho, spynić jaje rost.
Navukoŭcy śćviardžajuć, što ŭ ich atrymałasia vyznačyć niekalki ŭmovaŭ, nieabchodnych dla raźvićcia druhasnych puchlin. Adnoj z hetych umovaŭ — najaŭnaści ŭ puchliny pieryjastynu, białku, pra jaki idzie havorka, — i było pryśviečanaje ich daśledavańnie, apublikavanaje ŭ časopisie Nature.
Viadoma, što rakavyja kletki pačynajuć raspaŭsiudžvacca pa ŭsim ciele adrazu paśla taho, jak utvorycca złajakasnaja puchlina. Adnak,
nasupierak pašyranamu mierkavańniu, daloka nie ŭsie rakavyja kletki zdolnyja pryvodzić da ŭźniknieńnia mietastaz. Hetaja rola advodzicca tolki tak zvanym rakavym stvałavym kletkam. Kab inicyjavać rost mietastazy, jany pavinnyja zaniać nišu, spryjalnuju dla ich raźvićcia. Vyjaŭlena, što adnoj sa spryjalnych umovaŭ źjaŭlajecca aktyŭnaść pieryjastynu.
U zdarovym arhaniźmie
pieryjastyn ujaŭlaje saboj častku mižkletkavaha matryksu. Jak było dakazana raniej, jon udzielničaje ŭ raźvićci płoda, a ŭ darosłych arhanizmach aktyŭny tolki ŭ niekatorych orhanach i tkankach — u hrudnych załozach, kišečniku, kostkach i skury.
Šviejcarskija daśledniki ŭpieršyniu vyjavili, što jon prysutničaje taksama i ŭ tych nišach, adkul rakavyja stvałavyja kletki pačynajuć vyroščvać mietastazy.
Daśledavańnie pravodziłasia pa standartnaj mietodycy na myšach, chvorych na rak lohkich. Jany atrymali myšej, arhanizm jakich byŭ pazbaŭleny aktyŭnaha pieryjastynu. Kab zrabić heta, daśledčyki vydzielili asablivyja antycieły, jakija, prylapiŭšysia da pavierchni hetaha białku, rabili jaho niefunkcyjanalnym.
Myšy, pazbaŭlenyja hetaha białku, zrabilisia rezistentnymi da raźvićcia mietastaz.
Navukoŭcaŭ ździviła taja akaličnaść, što
adsutnaść aktyŭnaha pieryjastynu ŭ nišy, dzie ŭźnikaje pieršasnaja złajakasnaja puchlina, nijak nie ŭpłyvaje na jaje rost.Jany miarkujuć, što praces uźniknieńnia pieršasnaj rakavaj puchliny nastolki składany, što bieź niekatorych spryjalnych umovaŭ, takich jak najaŭnaść pieryjastynu, možna i abyścisia.
Ekśpierymienty z błakavańniem pieryjastynu pryviali ŭ myšej tolki da vielmi słabych i niešmatlikich pabočnych efiektaŭ.
Adnak
daśledniki pakul nie mohuć skazać, što toje ž samaje budzie i ŭ ludziej, kali ich pačać lačyć takim sposabam.Jany pakul navat nie ŭpeŭnienyja, što zmohuć znajści ekvivalent myšynym antyciełam, jakija buduć z toj ža efiektyŭnaściu procidziejničać rostu mietastaz u čałaviečym arhaniźmie. Ale heta ŭžo pytańnie dalejšych daśledavańniaŭ.
