Jak padličyŭ amierykanski časopis Forbes, samaj rentabielnaj zorkaj Halivuda stała Krysten Ściuart, hałoŭnaja hierainia vampirskaj sahi «Źmiarkańnie».
Mietodyka padlikaŭ była nastupnaja: suma zboraŭ apošnich troch filmaŭ z udziełam taho ci inšaha aktora za apošnija try hady dzialiłasia na jaho sukupnyja hanarary za hetyja try prajekty. Takim čynam, atrymałasia, što kožny dalar, zapłačany Ściuart, prynios studyi Summit Entertainment bolš za 55 dalaraŭ prybytku, paviedamlaje "RIA Naviny".
Ahułam franšyza «Źmiarkańnie» zarabiła ŭžo 2,4 młrd dalaraŭ, pryčym 588 młn ź ich prypali na jaje apošniuju častku, što vyjšła try tydni tamu.
kožny ŭkładzieny ŭ jaho dalar prynosić 39,43 dalara prybytku. Suma akazałasia nižejšaj za košt taho, što Pacinsan lubić zdymacca ŭ małabiudžetnych prajektach nakštałt «Pamiataj mianie» abo «Vady słanam!», što źnižaje siaredniuju ličbu.Paradaksalna, kaleha Ściuart pa «Źmiarkańni» Robiert Pacinsan apynuŭsia nie na druhim, a na trecim miescy —
Druhoje miesca ŭ śpisie samych rentabielnych zorak adyšło En Chetaŭej: hałoŭnym čynam dziakujučy «Alisie ŭ krainie cudaŭ» Cima Biortana jana stała prynosić pradziusaram pa 45,67 dalara na kožny dalar hanararu.
Čaćviortaje miesca adyšło zorcy pateryjany, samamu bahatamu maładomu brytancu Deniełu Redklifu, jaki dazvoliŭ studyi Warner Bros mieć pa 34,2 dalara z kožnaha dalara, pieraličanaha na jaho rachunak. Usiaho za čas zdymak u «Hary Potery» Redklif zarabiŭ 80 miljonaŭ dalaraŭ, a studyja — 7,7 miljarda dalaraŭ.
U lutym u prakat vychodzić pieršy ź jaho postpateryjanskich filmaŭ, «Žančyna ŭ čornym».
Na piatym miescy, pierš za ŭsio dziakujučy «Transformieram», apynuŭsia Šajia Łabiof, jaki prynosić pradziusaram pa 29,4 dalara na kožny dalar hanararaŭ.
Zamykaje dziasiatku samy vysokaapłatny aktor Halivuda Džoni Dep. Pakolki hanarary ŭ jaho vielmi vysokija, studyja Disney zmahła zarabić tolki 12,48 dalara na kožny dalar, układzieny ŭ jaho.
Vyličyli ŭ Forbes i samych niavyhadnych aktoraŭ: Dru Berymar, da prykładu, prynosić pradziusaram tolki 40 centaŭ na kožny pieraličany joj dalar, a Edzi Merfi — 2,7 dalara.
* * *
Dziŭna zbudavanaja sistema kaštoŭnaściej u sučasnym śviecie. Vytvorcy iluzij majuć zvyšprybytki. Paraŭnajem: 50% akcyj "Biełtranshaza" kaštavali 2,5 młrd dalaraŭ. Hierainia halivudskaha moładzievaha sieryjału, kali b trochi padnapružyłasia, mieła b hrošy, kab jaho nabyć.
