Zapis, jak vynikaje z elektronnaha lista ŭ redakcyju sajta, zrabiŭ čytač, jaki prysutničaŭ u zale suda ŭ dzień vyniasieńnia prysudu Kanavałavu i Kavalovu. Miarkujučy pa zapisie, reakcyja zały była burnaj. Sudździam kryčali «hańba», «zabojcy», čulisia vokličy «vy pasłuchmiany statak» i «Dzima, skažy choć słova! Ratuj siabie i mamu», a taksama čyjści płač.
Niekalki dzion tamu dziaržaŭny telekanał STV pakazaŭ vialiki siužet pra prysud. Siarod inšaha byŭ prademanstravany frahmient apošnich słovaŭ sudździ Fiedarcova. Paśla vyniasieńnia vyraku Kavalovu ŭ zale pačuŭsia huł hałasoŭ, ale akurat u hetym miescy toj frahmient abrezali.
***
Nahadajem, što prysud pa spravie vybuchu ŭ mietro byŭ ahučany 30 listapada, abodvuch abvinavačanych — 25-hadovym Dźmitryja Kanavała i Uładzisłava Kavalova — prysudzili da rasstrełu.