Carkva pryraŭniała donarstva śpiermy da pieralubu 42

U Biełarusi amal 15% paraŭ nie mohuć mieć dziaciej. I tolki dziakujučy štučnamu apładnieńniu, jakoje praktykujecca ŭ Biełarusi ŭžo 16 hadoŭ, hetyja pary mohuć stać baćkami. Kožny hod paśla štučnaha apładnieńnia ŭ našaj krainie naradžajecca bolš za tysiača dziaciej. Taksama dosyć vialikaj papularnaściu karystajucca pasłuhi surahatnaj maci. Kab vyznačyć umovy i paradak vykarystańnia takich vidaŭ dapamožnych repradukcyjnych technałohij, u kancy krasavika hetaha hoda deputaty pryniali śpiecyjalny zakonaprajekt u pieršym čytańni. Hety dakumient vyklikaŭ abureńnie ŭ relihijnaj hramadskaści, jakaja suprać luboha ŭmiašańnia ŭ tajemstva začaćcia. I voś ciapier Biełaruskaja pravasłaŭnaja carkva nakiravała svaje prapanovy pa zakonaprajekcie ŭ Pałatu pradstaŭnikoŭ Nacyjanalnaha schodu.

U svaim liście carkva kaža ab niedapuščalnaści vykarystańnia donarskaj śpiermy i jajkakletak pry EKA, a taksama prosić zabaranić surahatnaje maciarynstva ŭ pryncypie ci dapuścić jaho vykarystańnie z rezkimi abmiežavańniami.

Jašče carkva patrabuje, kab «lišnija» zarodki ŭ matcy pry EKA ni ŭ jakim razie nie źniščalisia.

— Heta supiarečyć duchoŭna-maralnym tradycyjam biełaruskaha naroda i abražaje relihijnyja pačućci hramadzian, — padkreślivaje ŭ svaim liście carkva.

Mahčymaść ža štučnaha apładnieńnia śviatary dapuskajuć tolki ŭ tym vypadku, kali žančyna zamužam, a ŭ vyrašeńni prablemy biaspłodździa nie pryciahvajecca treci bok. Heta značyć, štučnaje apładnieńnie pavinnaje adbyvacca kletkami muža, ale nijak nie starońniaha čałavieka. U advarotnym vypadku heta pryraŭnoŭvajecca da pieralubu. Ale ž mienavita praz mužčynskaje biaspłodździe pałova paraŭ nie moža začać dzicia.

— Donarstva — heta technična niepaŭnavartasnaja i z usich bakoŭ biazładnaja pałavaja suviaź, — ličyć dyrektar Centra padtrymki siamji i maciarynstva «Matula» pry prychodzie chrama sv. Mikałaja Japonskaha ijerej Pavieł Siardziuk.

Alternatyvaj EKA carkva bačyć napratechnałohii, jakija vykarystoŭvajucca ŭ Polščy i Francyi, kali žančyna prysłuchoŭvajecca da svajho arhanizmu, i ŭ jaje atrymlivajecca začać.

Voś tolki miedyki hladziać na prapanovy carkvy zusim pa-inšamu.

— Heta niešta z haliny ezateryki. Kali ciažarnaja žančyna padčas aŭtaavaryi straciła matku i dzicia, to tut jak ni prysłuchoŭvajsia da siabie, ničoha nie dapamoža. I hetym ludziam my pavinnyja davać šaniec, — kaža hałoŭny akušer-hiniekołah adździeła miedycynskaj dapamohi maci i dziciaci Ministerstva achovy zdaroŭja Respubliki Biełaruś Alaksandr Barsukoŭ. — Hety zakonaprajekt nam prosta nieabchodny. U nas niama zakanadaŭčaha aktu, jaki ahavorvaje ŭsie momanty. Była masa sudovych pozvaŭ. I ciapier my vyrašyli ŭsio heta ŭzakonić tak, kab nie było nijakich pytańniaŭ i kab my mieli prava stvarać bank hienietyčnaha materyjału. Kali my nie ŭzakonim toje, što robicca ŭžo šmat hadoŭ, heta ŭsio roŭna budzie praciahvacca. Ludzi pajeduć u susiednija krainy, kab zrabić EKA tam.

kp.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH