Na Minščynie ŭviedziena sacyjalnaja karta dla nabyćcia tavaraŭ sa źnižkaj 2

U Minskaj vobłaści ŭviedziena sacyjalnaja karta dla kupli tavaraŭ sa skidkaj da 10%. Pra heta na pres-kanfierencyi 19 śniežnia paviedamiŭ staršynia Minabłvykankama Barys Batura.

Jon paviedamiŭ, što takaja forma sacyjalnaj padtrymki ŭviedziena z 1 śniežnia i dziejničaje ŭ 194 mahazinach, u tym liku handlovych sietkach, što pracujuć u vobłaści.

Batura skazaŭ, što ŭ tych handlovych abjektach, dzie nie mohuć być vykarystany karty, tavary sa skidkami pradajucca pa śpisach.

Na takuju lhotu majuć prava hramadzianie siami katehoryj:

dzieci-invalidy da 18 hadoŭ, dzieci-siroty, jakija zastalisia biez apieki, šmatdzietnyja siemji, vieterany VAV i asoby, paciarpiełyja ad vojnaŭ, invalidy bajavych dziejańniaŭ u Afhanistanie i inšych rehijonach, invalidy I i II hrup, adzinokija piensijaniery, jakija atrymlivajuć piensiju nižejšuju za biudžet pražytačnaha minimumu.

Jašče adnoj formaj padtrymki Batura nazvaŭ dastaŭku biaspłatnych 3 kub. mietraŭ paliva dla hramadzian, jakija majuć u hetym patrebu.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH