Aficyjny kiraŭnik Biełarusi Alaksandr Łukašenka pavinšavaŭ hramadzian Biełarusi z Rastvom Chrystovym, jakoje častka hramadstva śviatkuje zaŭtra, 25 śniežnia.
U vinšavańni havorycca:
«Darahija suajčyńniki!
Vinšuju vas z Rastvom Chrystovym.
Na praciahu dvuch tysiačahodździaŭ heta śviata źjaŭlajecca dla miljonaŭ ludziej uvasableńniem vialikaj nadziei i viery. Boj kaladnych zvanoŭ adahravaje navat samyja zaledzianiełyja sercy,
natchniaje na miłasernyja ŭčynki i dapamahaje jašče hłybiej spaścihnuć spradviečny sens jevanhielskich zapaviedziej, u asnovie jakich — biaźmiežnaja dabrynia i ŭsiodaravalnaja luboŭ.
Rastvo — heta ŭračysty čas dla kožnaj siamji, simvał jadnańnia lubiačych baćkoŭ i ščaślivych dziaciej. Tolki ŭ asiarodździ blizkich čałavieku dadziena spaznać niezabyŭnyja pačućci ščyraj lubovi i bieskaryślivaha kłopatu. Dyk davajcie navučymsia šanavać prostyja radaści, zachoŭvać mir i spakoj darahich nam ludziej, adorvajučy ich svaim dušeŭnym ciapłom. Niachaj Viflejemskaja zorka azaraje vaš šlach, napaŭniajučy śviatłom kožnaje imhnieńnie žyćcia.
Sardečna žadaju vam mocnaha zdaroŭja, ščaścia, dobraha nastroju, aptymizmu, udačy i pośpiechaŭ va ŭsich pačynańniach.
Alaksandr Łukašenka@
