Šerłak Chołms z cyhanami — novy film Haja Ryčy 1

Nabližajecca dzień viasiella Vatsana (Džud Łoŭ). Chołms (Robiert Daŭni-mał.) užo amal źmiryŭsia i strašyć tavaryša žachami žyćcia ŭ šlubie, chutčej, pa inercyi. Ale ŭ špika ŭ zapasie zastajucca chłapiečnik, jaki možna pieratvaryć u kazackija skoki ź niamytyja rasiejskim zabojcam, i viasielnaje padarožža, ź jakoha pad vysakarodnaj padstavaj vyratavańnia śvietu ad płanaŭ prafiesara Maryjarci (Džared Charys) možna vydalić maładuju (Keli Riejli)… Pahonia za złydniem Maryjarci pieratvarajecca ŭ vajaž pa Jeŭropie z cyhanami, vybuchami, chutkastrelnymi kulamiotami, haŭbicami i niaŭchilnym rucham da vadaspadu ŭ Šviejcaryi. A chto čytaŭ knihi, viedaje, čym heta pahražaje.

Historyi pra ekscentryčnaha pryvatnaha śledčaha pierajnačvajuć ŭ kino nie radziej za pjesy Šekśpira. Ale kali, naprykład, aŭtary vybitnaha sieryjała «Šerłak» ź Bieniedyktam Kambierbetčam u hałoŭnaj roli źmiaścili hierojaŭ Konan Dojła ŭ sučasnaść (kali chto nie ŭ kursie, 29 śniežnia ŭ brytanskim efiry pačynajecca druhi siezon), dyk

Haj Ryčy ździajśniaje ŭ niejkim sensie zvarotnuju apieracyju: pakidajučy Chołmsu z Vatsanu ich epochu, napaŭniaje jaje ŭłasnym kiniematohrafam — vybuchovym, bajavitym i durkavatym.

I kali ŭ pieršaj častcy režysior jašče trymaŭsia prystojnaści, dyk u druhoj karcinie puskajecca va ŭsie ciažkija. Oj, viasielle hudzie!

Žonka siabra, što niedarečy trapiłasia pad ruku, lacić z mosta ŭ vadu. Reŭnaść Chołmsa adziavaje Daŭni-małodšaha ŭ pravakacyjnuju sukienku, a varožyja kuli ŭkładvajuć na padłohu kupe-luks kala miłaha sercu siabra. Uładalnik šmatlikich talentaŭ Styvien Fraj ŭ roli Majkrffta Chołmsa ahalajecca, kab pračytać lekcyju ab mižnarodnaj palitycy.

Nu i jakoje viasielle biez pary pjanych bojek.

Znoŭ adpraŭlajecca ŭ komu sabačka, adnak atruty i inšyja cichija hulni sastupajuć miesca ciažkaj artyleryi i ŭsio novym hadžetam. Paračka łaviruje na aŭtamabili miž konnych ekipažaŭ, kožnaja nastupnaja rula bolšaja za papiaredniuju ŭdvaja. Bjuć paŭsotkaju harmaty… U takoj honcy navat firmovy pryjom Chołmsa Ryčy — pralik dvuboju z dakładnaściu da ŭdaru — spatrebicca ŭsiaho paru razoŭ. Jakaja ŭžo tut dedukcyja — paśpiavaj uchilacca.

Hazieta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH