«Biełtelekam» pašyryŭ internet-šluz Biełarusi da 200 Hbit/s 1

Internet-šluz Biełarusi dasiahnuŭ 200 Hbit/s. Nacyjanalny apieratar suviazi «Biełtelekam» sumiesna z łatvijskaj kampanijaj Lattelecom pravioŭ raboty pa pašyreńni źniešniaha internet-šluza Biełarusi ŭ zachodnim napramku na 20 Hbit/s.

Jak paviedamili ŭ «Biełtelekamie», kampanija Lattelecom źjaŭlajecca lidaram u śfiery akazańnia pasłuh elektronnaj suviazi ŭ Łatvii, prapanujučy rašeńni elektronnaj suviazi dla doma, małych i siarednich pradpryjemstvaŭ, dziaržarhanizacyj i orhanaŭ samakiravańnia, a taksama bujnych karparatyŭnych klijentaŭ.

Jak udakładnili ŭ «Biełtelekamie», na hety momant sumarnaja jomistaść šluza składaje 200 Hbit/c: 50 Hbit/c dla dostupu ŭ zachodnim napramku, 150 Hbit/c — u napramku Rasii.

Papiaredniaje pašyreńnie šluza adbyłosia 21 śniežnia 2011 hoda sumiesna z rasijskimi telekamunikacyjnymi apieratarami ZAT «RetnNet» i AAT «MiehaFon».

«Biełtelekam» stvorany 3 lipienia 1995 hoda. Źjaŭlajecca pieršasnym internet-pravajdaram u Biełarusi, ažyćciaŭlaje pieradaču źviestak pa kamutavanaj sietcy ahulnaha karystańnia, zabiaśpiečvaje dostup da mižnarodnych i biełaruskich resursaŭ internetu, pieradaje ŭ karystańnie mižnarodnyja ličbavyja patoki i kanały praktyčna luboj jomistaści, zabiaśpiečvaje roŭnyja ŭmovy pracy apierataraŭ mabilnaj suviazi Biełarusi šlacham padklučeńnia ich da mižnarodnaj stancyi, daje mižharodni i mižnarodny roŭminh.

0

0

0

0

0

0

Alaksiej Areška, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH