U Minsku ŭ tramvaja padviali tarmazy, jon prataraniŭ pierapoŭnieny tralejbus + fota abnoŭlena 13

fota auto.onliner.by

16 čałaviek paciarpieła viečaram 29 śniežnia ŭ Minsku ŭ vyniku sutyknieńnia tramvaja, u jakoha sapsavalisia tarmazy, z tralejbusam maršrutu № 33, paviedamiła staličnaje ŭpraŭleńnie MNS.

DTZ adbyłosia na skryžavańni vulic Surhanava i Jakuba Kołasa. Tramvaj, jaki ruchaŭsia ŭ depo, spuskaŭsia z horki i samastojna spynicca nie moh.

Častka paciarpiełych dastaŭlena va ŭstanovy achovy zdaroŭja bryhadami chutkaj dapamohi i miedycynskaj słužbaj pažarnaj avaryjna-ratavalnaj čaści № 12 staličnaha ŭpraŭleńnia MNS.

Infarmacyja pra stan paciarpiełych udakładniajecca.

Jak paviedamlaje resurs auto.onliner.by sa spasyłkaj na vidavočcaŭ, vadziciel tramvaja sprabavała papiaredzić ludziej, kryčała i razmachvała rukami, ale praduchilić avaryju nie atrymałasia. Tralejbus-«harmonik» skłaŭsia napałam. Tramvaj ledź nie źbiŭ piešachodaŭ, jakija ŭžo stali pierasiakać prajeznuju častku. U hetym DTZ taksama atrymaŭ paškodžańni aŭtamabil BMW.

Da miesca avaryi vyjechała kala dziesiaci mašyn «chutkaj».

Krychu raniej na skryžavańni praśpiekta Mašerava i vulicy Kujbyšava adbyłasia jašče adna avaryja z udziełam tramvaja, jaki sutyknuŭsia ź lehkavym aŭtamabilem.

auto.onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH