Nacyjanalnaja supolnaść kinakrytykaŭ ZŠA nazvała lepšym filmam 2011 hoda «Miełancholiju» Łarsa fon Tryjera. Lepšaj aktrysaj pryznanaja Kirsten Danst, jakaja vykanała hałoŭnuju rolu ŭ «Miełancholija».
Łars fon Tryjer, jaki byŭ vyhnany ŭ mai z Kanskaha kinafiestyvalu za toje, što zajaviŭ u intervju, što simpatyzuje Hitleru, nie atrymaŭ tady najprestyžnaj uznaharody za lepšuju režysuru.
Uznaharoda amierykanskich kinakrytykaŭ ličycca najvažniejšaj, pakolki moža paŭpłyvać na vybar naminantaŭ samaj prestyžnaj u ZŠA kinapremii – «Oskara». Naminanty na «Oskar» buduć abvieščanyja 24 studzienia.
Premija kinakrytykaŭ za lepšuju režysuru dastałasia Terensu Maliku za film «Dreva žyćcia». Hetaja ž karcina atrymała premiju za lepšuju apieratarskuju pracu. Breda Pita nazvali lepšym akcioram za roli ŭ filmach «Čałaviek, jaki źmianiŭ usie» (Moneyball) i «Dreva žyćcia».
