U piatnicu byŭ praciahnuty sud nad Kastusiom Łukašovym. Śviedki z boku abvinavačańnia niečakana dali pakazańni na karyść Łukašova.
«Sprava, pašytaja hniłymi nitkami, całkam razvaliłasia. U 1997‑m Kastusia ŭžo b vypuścili, – kaža Viačasłaŭ Siŭčyk i dadaje. – Siońnia časy inšyja». «Niama samoj kryminalnaj padziei, jakaja inkryminujecca abvinavačanamu», – havoryć advakatka Łukašova Valancina Šychancova.
29 sakavika Kastuś Łukašoŭ zabiraŭ svajho brata Viačasłava Siŭčyka sa špitalu, a nieviadomyja ludzi spartovaha ciełaskładu – jak paźniej vyśvietliłasia, milicyjanty – sprabavali hetamu pieraškodzić.
Anivodny śviedka (u tym liku j kaleha paciarpiełaha) nie paćvierdzili, što mašyna, jakoj kiravaŭ Kanstancin, źbiła milicyjanta. Zatoje mnohija kazali, što čałaviek u ciomnym adzieńni, dahaniajučy aŭtamabil, zvaliŭsia ŭ brud.
Siońnia padtrymać Łukašova prychodzili Alaksandar Milinkievič i Iryna Kazulina, Anatol Labiedźka i Taciana Klimava, Barys Harecki j Źmicier Kaśpiarovič.
Sud jaki ŭžo blizki da zaviaršeńnia, praciahniecca ŭ paniadziełak 19 lutaha a 11-j pa adrasie Siamaški, 33.
