Asobam, jakija buduć uźnimać canu z namieram sarvać ziamielny aŭkcyjon, nie buduć viartać zadatak.Pra heta 18 studzienia na pres-kanfierencyi ŭ Minsku paviedamiŭ namieśnik staršyni Dziaržaŭnaha kamiteta pa majomaści Andrej Hajeŭ.
Havorka idzie pra zahad Łukašenki № 232, jaki rehuluje ahulnyja padychody i praviły praviadzieńnia aŭkcyjonaŭ i konkursaŭ u Biełarusi.
"Sustrakajucca situacyi, kali
na aŭkcyjony prychodziać asoby, pieršapačatkova majučy namier zrabić tak, kab jon nie adbyŭsia. Naprykład, kali ludzi ŭzdymajuć canu da vielmi vysokaj, a tyja, chto pryjšoŭ nabyć pradmiety aŭkcyjonu, nie mohuć hetaha zrabić pa takoj canie.I pryznajecca, što aŭkcyjon nie adbyŭsia", -- skazaŭ Hajeŭ. Ciapier u adnosinach da asob, z-za jakich aŭkcyjon byŭ pryznany niesapraŭdnym, nijakaj adkaznaści nie praduhledžana, a zadatak im viartajuć.
U svaju čarhu načalnik upraŭleńnia ŭliku i acenki ziemlaŭ Dziaržkammajomaści Alaksandr Daŭžankoŭ adznačyŭ u jakaści stanoŭčych novaŭviadzieńniaŭ vyznačeńnie pačatkovaj cany ziamielnaha ŭčastka miascovymi vykankamami (raniej u hetym pytańni byli roznačytańni), a taksama novuju normu ŭ zahadzie kiraŭnika dziaržavy № 431, zhodna ź jakoj kadastravy košt budzie ŭstaloŭvacca na datu padačy zajavy, što abaronić ludziej ad niepradbačanych vydatkaŭ.
0
0
0
0
0
0