Epidemija hrypu ŭ Minsku prahnazujecca nie raniej čym u pačatku lutaha, jana budzie siaredniaj intensiŭnaści ci nižejšaj za siaredniuju intensiŭnaść, paviedamiła zahadčyca epidemijałahičnaha adździeła Minskaha haradskoha centra hihijeny i epidemijałohii Alena Fisienka.
Pavodle jaje słoŭ, pra heta śviedčać ciapierašnija źviestki ab zachvorvańni nasielnictva na vostryja reśpiratornyja infiekcyi.
Za apošni tydzień u Minsku nazirajecca niaznačny rost zachvorvańnia na VRI, u asnoŭnym u dziaciej.Śpiecyjalist heta źviazvaje z zakančeńniem školnych kanikułaŭ i prytokam dziaciej va ŭstanovy adukacyi. Adnak uzrovień VRI — na 20% nižejšy, čym u hety ž pieryjad minułaha hoda i krychu nižejšy za siarednija šmathadovyja značeńni. Virusy hrypu ŭ zachvarełych pakul nie vyjaŭlajucca. Etyjałahičnaja struktura VRI pradstaŭlena ŭ asnoŭnym adenavirusami,
Pavodle słoŭ Fisienki, paśpiachovaja situacyja pa VRI tłumačycca, pierš za ŭsio, vysokim uzroŭniem imunizacyi suprać hrypu ŭ Minsku (31,5% nasielnictva) i spryjalnym nadvorjem. «Uzdym zachvorvańnia farmirujecca pastupova, a ŭvieś śniežań u Biełarusi było dastatkova suchoje nadvorje», — zaznačyła jana.
Dla prafiłaktyki VRI śpiecyjalist rekamienduje vykonvać praviły etykietu pry čchańni, čaściej myć ruki i pravietryvać pamiaškańnie, pry pieršych prykmietach zachvorvańnia prymać śpiecyjalnyja supraćvirusnyja preparaty. Zdarovym ludziam niama nieabchodnaści ŭ dadatkovaj prafiłaktycy VRI, miarkuje Fisienka.
