Ad 26 studzienia ŭ kinateatrach Minska možna ŭbačyć tryler Džo Karnachana «Sutyčka» ź Liamam Nisanam u hałoŭnaj roli. U karcinie hieroj adzin vymušany procistajać samoj pryrodzie: padziei razhortvajucca na zaśniežanych prastorach Alaski.
Čas ad času amierykanskija kiniematahrafisty biarucca za žanr «zastacca ŭ žyvych» i zdymajuć stužki, dzie čałaviek abo hrupa asob paśla katastrofy (čaściej za ŭsio avija) pavinny zmahacca za isnavańnie ŭ nieznajomych miescach.Jaduć jany jahady abo samastojna złoŭlenuju rybku, a vohnišča raspalvajuć, jak pieršabytnyja žychary płaniety. Mieć znosiny byvaje niama z kim — surazmoŭcu zamianiaje fotazdymak kachanaj.
Akcent u filmach robicca na siłu čałaviečaha duchu, ale nie tolki.
Naprykład, u karcinie «Žyvyja» (zasnavanaj na realnych padziejach) pierad ludźmi, jakija apynulisia ŭ harach, paŭstała maralnaja dylema: pamierci z hoładu ci źviarnucca da kanibalizmu. Film «Na miažy» z Entani Chopkinsam i Alekam Bołduinam raspaviadaŭ, jak dva hieroi zmahalisia nie tolki z drapiežnym miadźviedziem, ale i adzin z adnym. Bo jany byli zakachanyja ŭ adnu dziaŭčynu, a śmierć kožnaha ź ich možna było b śpisać na ŭmovy tajhi… «Sutyčka» Džo Karnachana złučyć u sabie šerah padtemaŭ. Tut budzie i viera hieroja ŭ mahčymaść znoŭ abniać žonku, i procistajańnie z drapiežnymi źviarami, i ŭzajemaadnosiny ludziej u niaprostaj situacyi.
Da hetaha adsyłaje i nazva ŭ aryhinale: «The Grey» — u pierakładzie «Šery», što vidavočna namiakaje na vaŭčynuju sutnaść čałavieka. AdnakKarcina ź Liamam Nisanam napeŭna budzie adlustroŭvać (u dastupnaj, sproščanaj formie!) ekzistencyjnuju prablematyku: jak budzie pavodzić siabie čałaviek u pamiežnaj situacyi, tvar u tvar sa śmierciu, u kaho jon pieratvorycca?
dapamohuć vyžyć hieroju nie tolki źviarynyja instynkty, ale i sapraŭdnyja čałaviečyja jakaści — viera, nadzieja, kachańnie.
Taksama z 26 studzienia ŭ prakat vychodzić histaryčnaja drama Styviena Śpiłbierha «Bajavy koń», kamiedyja «Vielmi niebiaśpiečnaja štučka» i dva aŭtarskija prajekty —
