U Biełarusi zachvaralnaść na vostryja reśpiratornyja infiekcyi ciapier znachodzicca na nieepidemičnym uzroŭni. U paraŭnańni z anałahičnym pieryjadam minułaha hoda jana nižejšaja na 46%, paviedamili ŭ Respublikanskim centry hihijeny, epidemijałohii i hramadskaha zdaroŭja (RCHEiHZ).
Vyniki łabaratornych daśledavańniaŭ śviedčać ab pieravažnym raspaŭsiudzie niehrypoznych reśpiratornych virusaŭ.
Bolš jak 60% chvorych — dzieci.Jak raskazali ŭ RCHEiHZ, orhany i ŭstanovy dziaržnahladu Biełarusi pravodziać manitorynh zachvaralnaści na VRI, praviarajuć, jak ciapierašniaja epidsituacyja ŭpłyvaje na naviedvańnie ŭstanoŭ adukacyi, a taksama kantralujuć vykanańnie prafiłaktyčnych mierapryjemstvaŭ.
Pavodle źviestak SAAZ, u cełym u Jeŭropie častata zvarotaŭ pa miedycynskuju dapamohu ŭ suviazi z VRI zastajecca na nizkim uzroŭni. U bolšaści krain hryp nie prajaŭlaje vialikaj epidemičnaj aktyŭnaści. Krychu pavyšany hety pakazčyk u Bałharyi, Isłandyi, Ispanii i Italii. Ź liku vyjaŭlenych virusaŭ pieravažaje virus hrypu typu, A — A(H3N2). U Rasii zachvaralnaść na hryp i VRI taksama zastajecca na nieepidemičnym uzroŭni. Rost zachvaralnaści ź pieravyšeńniem tydniovych epidemičnych parohaŭ pa nasielnictvu ŭ cełym zarehistravany ŭ asobnych rehijonach i haradach.
