Filmy Juryja Chaščavackaha «Płošča» i «Łabatamija» musili pakazać u miežach Fiestyvala svabodnaha kino. Fiestyval prachodzić u roznych haradach Rasii napiaredadni prezidenckich vybaraŭ. Adnak Ministerstva kultury Rasii faktyčna zabaraniła demanstracyju filmaŭ biełaruskaha režysiora.
«Naša Niva» źviazałasia z Chaščavackim, kab daviedacca, čym filmy «Płošča» i «Łabatamija» napałochali rasijskich čynoŭnikaŭ.
«Jany prydumlajuć absalutna absurdnyja nahody, —kaža Chaščavacki. — Ja tolki što razmaŭlaŭ z arhanizataram fiestyvalaŭ, i jon mnie raskazaŭ pra pretenzii Ministerstva kultury.
Spačatku, jany kazali, što niama dazvołaŭ ad aŭtaraŭ filma — ale heta niapraŭda,bo dazvoł ja im daŭ.
Tady jany prydumali inšaje — pakolki filmy tranślavalisia na roznych telekanałach — litoŭski, polskich, estonskich i hetakAle hety absalutnaje hłupstva: filmy tam demanstravalisia taksama z dazvołu aŭtaraŭ, i nijakich pravoŭ na ich hetyja kanały nie majuć».dalej-to arhanizatary musiać uziać dazvoł u kožnaha z hetych kanałaŭ.
«NN»: Jak vy ličycie, zabarona źviazana ŭ bolšaj stupieni z rasijskimi padziejami ci ź biełaruskim kantekstam?
Juryj Chaščavacki: Ja liču, što tym razam spracavaŭ rasijski kantekst. Aproč filma «Płošča»,
u Rasii musili pakazać film «Łabatamija», jaki niasie mocny antypucinski zarad.Kaniečnie, dapuścić hetaha napiaredadni vybaraŭ jany nie mohuć.
Film «Płošča» uvohule ŭniviersalny — dla luboj krainy, dzie adbyvajucca falsifikacyi.«Płošča» ŭzdymaje hradus narodnaha abureńnia suprać chłuśni ŭładaŭ. Ja dumaju, što hetym razam inicyjatyva zabarony išła mienavita z rasijskaha boku, a nie ź biełaruskaha, jak byvała raniej.
«NN»: Ci jość šancy, što pakazy ŭsio ž taki adbuducca?
JUCH: U lubym razie hetyja filmy buduć «pracavać».
Abiedźvie karciny jość na YouTube, i vykładzieny jany tam nieadnarazova — u filma «Łabatamija», darečy, bolej za 150 tysiač prahladaŭ.Tamu kali čałaviek choča ich pahladzieć, jon zaŭždy zmoža heta zrabić, i biez afcyjnaha dazvołu. Tym nie mienš, arhanizatar fiestyvala budzie dalej raźbiracca ź situacyjaj. I filmy, jak my spadziajemsia, buduć iści.