Hieahrafičny centar Eŭropy, jaki znachodzicca ŭ Hłybockim rajonie, budzie ŭklučany ŭ turystyčny maršrut biełaruska‑łatvijska‑švedzkaha prajektu «Panarama Dźvina/Daŭhava».
Švedskaja pracoŭnaja hurpa naviedała rajon voziera Šo, dzie, pavodle źviestak Biełkosmashieadezii, znachodzicca centar Eŭropy. Pavołdie słovaŭ načalnika adździełu fizičnaj kultury, sportu i turyzmu Hłybockaha rajvykankamu Michaiła Arechava, inšaziemcaŭ skaryła charastvo biełaruskaj pryrody. Aproč taho, u miascovym muzei jany pabačyli staradaŭnija skandynaŭskija manety i reštki zbroi vikinhaŭ, što padtrymlivaje teoryju pra toje, što ŭ hetym miescy prachodziŭ znakamity šlach «z varahaŭ u hreki».
Pavodle prapanovy švedzkich haściej, Hłybocki rajon razam ź Dzisnoj, Połackam i Viciebskam stanuć asnoŭnymi abjektami turystyčnaha maršrutu «Panarama Dźvina/Daŭhava», jaki paklikany bližej paznajomić narody Švecyi, Łatvii j Biełarusi, a taksama raskazać pra kulturu i historyju hetych dziaržaŭ, jakija niekali ciesna pieraplatalisia. Pavodle papiarednich źviestak, na realizacyju hetaha prajektu švedzki bok maje namier vyłučyć Viciebskaj vodłaści kala 100 tysiač dalaraŭ.
Prezentacyja turystyčnaha prajektu adbudziecca ŭ traŭni ŭ Daŭhaŭpiłsie. Planujecca, što ŭžo sioleta ŭzdoŭž Dźviny z prypynkam u staražytnych biełaruskich haradach, raźmieščanych na jaje bierahach, projdzie pieršy ekskursijny aŭtobus. Na dumku ekspertaŭ, realizacyja prajektu dazvolić pavialičyć prytok zamiežnych turystaŭ u Prydźvinski kraj ciaham nastupnych troch hadoŭ na 10%.
Fota I. Piłatovič, «Hlobus Biełarusi»
