U 2011 hodzie śmiarotnaść ad pryčyn, źviazanych z ałkaholem, vyrasła na 49% u paraŭnańni z 2010 hodam. Ab hetym paviedamiŭ hałoŭny narkołah Ministerstva achovy zdaroŭja Siarhiej Osipčyk 24 lutaha na respublikanskaj naradzie, pryśviečanaj vynikam raboty psichijatryčnaj i narkałahičnaj słužbaŭ za 2011 hod i zadačam na 2012 hod.
Osipčyk padkreśliŭ, što ŭžyvańnie ałkaholu i złoŭžyvańnie im akazvaje ŭpłyŭ na śmiarotnaść siarod chvorych na ankałahičnyja i kardyjałahičnyja zachvorvańni.
Kolkaść pacyjentaŭ, jakija nazirajucca narkałahičnaj słužbaj Biełarusi, za 2011 hod pavialičyłasia na 0,5% i skłała 286.310 čałaviek (siarod ich chvorych na ałkahalizm 178.608 čałaviek).Osipčyk adznačyŭ, što ŭ Biełarusi nazirajecca tendencyja pavieličeńnia kolkaści žančyn, jakija znachodziacca na ŭliku ŭ narkołahaŭ, ułaścivaja bolšaści krain Jeŭropy.
Hałoŭny narkołah raskazaŭ, što ad ałkahalizmu lečać nie tolki ŭ sistemie Ministerstva achovy zdaroŭja. Ciapier 1.394 čałavieki prachodziać prymusovaje lačeńnie ad ałkahalizmu ŭ
Havoračy pra prafiłaktyku pjanstva i ałkahalizmu, Osipčyk ukazaŭ na prablemu pavieličeńnia realizacyi ałkaholnych napojaŭ u Biełarusi (u 2011 hodzie na 9,8%). Realizacyja harełki, jakaja ŭ struktury spažyvańnia ałkaholu zajmaje 46,4%, pavialičyłasia na 8%.
Osipčyk padkreśliŭ, što «ałkahol źjaŭlajecca viadučym faktaram ryzyki ŭźniknieńnia nieinfiekcyjnych chvarob».U suviazi z hetym jon ličyć važnym farmiravańnie ŭ hramadstvie antyałkaholnaj i antynarkatyčnaj matyvacyi, pierš za ŭsio ŭ maładziožnym asiarodździ.
