Kab pavialičyć zahruzku naftapierapracoŭčym zavodam, nieardynarny zachad uradu: prypłata davalcam.
Biełaruski ŭrad navažyŭsia na padvyšeńnie z 1 sakavika akcyzaŭ na realizavanyja na ŭnutranym rynku naftapradukty. Adpaviedny ŭkaz №117 «Pra ŭniasieńnie źmienaŭ va Ŭkaz ad 5 śniežnia 2006 h. №716 i niekatorych pytańniach kampensacyi koštu impartavanaj vuhlevadarodnaj syraviny» byŭ padpisany 2 sakavika 2007 h.
Hetym samym dakumentam praduhledžvajucca subsydyi pastaŭščykam davalnickaj nafty z 1 lutaha biahučaha hodu pamieram 24 USD za tonu.
Jak miarkujuć raspracoŭščyki dakumentu, a jak patłumačyli ŭ kancernie «Biełnaftachim», raspracoŭkaj tekstu ŭkazu zajmalisia ministerstva finansaŭ i ministerstva ekanomiki Biełarusi, padvyšeńnie akcyzaŭ na nutranym rynku i adnačasova ŭviadzieńnie subsydyi ci kampensacyi 24 USD za tonu pastaŭščykam davalnickaj nafty, jakija ekspartujuć hatovuju pradukcyju NPZ za miažu, musić pryvieści da pavieličeńnia zahruzki mahutnaściaŭ biełaruskich NPZ, a pavieličeńnie ekspartu hatovych naftapraduktaŭ — da pavieličeńnia pastupleńnia valutnaha prybytku ŭ biudžet krainyt.
Nahadajem, što, pavodle padpisanaha 12 studzienia biełaruska‑rasiejskaha mižuradavaha pahadnieńnia na pastaŭki syroje nafty ŭ Biełaruś, było ŭviedzienaje ekspartnaje myta 53 USD za tonu, a staŭki ekspartnych mytaŭ na naftapradukty byli padvyšanyja da ŭzroŭniu rasiejskich. Dla kampensacyi ŭzrosłych vydatkaŭ pry realizacyi naftapraduktaŭ na nutranym rynku byli skasavanyja abarotnyja padatki dy źnižany akcyz u 2,5 razy. Abjomy nafty, što pastaŭlałasia na pierapracoŭku ŭ Biełaruś, rezka skaracilisia, što paciahnuła za saboj źnižeńnie ekspartu naftapraduktaŭ i pastupleńnia valutnaha prybytku. Biełaruskija NPZ siońnia zahružanyja ŭsiaho na 50—60%.
Ci dapamohuć hetyja kampensacyjnyja 24 USD za tonu źmianić sytuacyju na rynku, mierkavańni ekspertaŭ rynku pakul razychodziacca.
