Biełaruś spyniła impart vinaŭ u butelkach z Małdovy ŭ adkaz na spynieńnie pastavak u Biełaruś vina nalivam. Minhandlu Biełarusi dasłała list, u katorym rekamendavała spynić vypusk akcyznych marak dla impartu małdaŭskich butelkavanych vin dy vieści pošuk inšych rynkaŭ dla zakupki.
Pavodle źviestak Ahrapramysłovaj ahiencyi «Małdova‑vin», u 2006 h. impartavała z Małdovy vinarobnaj pradukcyi na sumu 36 młn dalaraŭ, u tym liku 1 młn 175,7 tys dekalitraŭ butelkavanych vin na 16,5 młn dalaraŭ, 2 młn 137,9 tys. vina nalivam (vinamateryjałaŭ) — na 16,26 młn dalaraŭ, 27,36 tys. dekalitraŭ šampanskich vin na 0,5 młn. dalaraŭ, 54,6 tys. dekalitraŭ kańjaku na 2,6 młn. dalaraŭ.
Spynieńnie pastavak vinaŭ nalivam vyklikała zhortvańnie vytvorčaści na vinzavodach. Tłumačycca jano tym, što Małdova adnaŭlaje pastaŭki vina ŭ Rasieju naŭprost, bo Maskva źniała sankcyi, nakładzienyja na Małdovu peŭny čas tamu. Paśla hetaha Małdova masava pastaŭlała viny ŭ Biełaruś nalivam, i, raźlityja jak biełaruskaja pradukcyja, jany paśla hetaha reekspartavalisia ŭ Rasieju.
